Isaya 65:1-25
65 “Ndakatendera kupsakwa ngo vaya vainga vacikavhunjisi ngo pamusoro pangu;Ndakatendera kuwanika ngo vandhu vainga vacikandipsaki.
Inini ndakati: ‘Ndiri pano, ndiri pano!’ kujinja rainga ricikadaninji zina rangu.
2 Ndakatambanuja nyara jangu ku vandhu vainga vacikazwiri njiku yese,Ku vandhu vanofamba mu gwanja rakashata,Vecitevera murangariro javo;
3 Ku vandhu vanondituka mukuwo wese ndakasota,Veciita mupiro mu maminda, vecibudisa usi wo mupiro panyezuru po zvidhina.
4 Ivona vanogara pakati po makuva,Veciejehwa mu ndau jakavigika,Veciha nyama yo nguruve,Mu paratu javo, muno muto wo zviro zvicizivi kucena.
5 Ivona vanoti: ‘Garai wega, ucakwedera kwandiri,Ngokuti ndiri wakacena kupinda iwewe.’
Ivona vakadari inga usi mu miro jangu, vakadari inga muriro unopisa njiku yese.
6 Vonanyi! Zvakatahwa pamberi pangu;Andizogari ndakanyarara,Asi ndinozovahwirijira,Ndozovapa mupfupo wavo wakazara
7 Ngo ndava yo kuposa kwavo no kuposa ko majicekuru avo,” izvi ndizvona zvinonanga Jehovha.
“Zvicivoneka kuti vakabudisa usi wo mupiro panyezuru po matundhuVondituka panyezuru po zvimatundhu,Ciro cokutanga candinozoita cinozova cokunasa kupima mupocero wavo.”
8 Jehovha anonanga kudari:
“Kudari inga panowanika vhinyu imbza pa canja co uvhaMundhu wonanga kudari: ‘Ucacirasa, ngokuti pano zviro zvakanaka pondhopo,’
Ndizvona zvandinozoita ku vashandiri vangu;Andizovaurai vese.
9 Ndinozoviisa mubarihwana wecivha ngo ka JakobeKa Judha ndinozoviisa wiya anozogara utaka matundhu angu;Vasanwi vangu vanozogara utaka nyika iyi,Vashandiri vangu vanozogara mondhomo.
10 Ku vandhu vangu vanondipsangaSaroni inozova ndau yokuhavira mavhuta,Bani ro Akori rinozova ndau yokuzororera n’gombe.
11 Imwimwi muri pakati pa vaya vakasiya Jehovha,Vanokanganwa dundhu rangu rakacena,Vanodira zviro pa meza kuitira mwari wo Sorti Yakanaka,Vanozaja kopo ngo vhinyu yakavhengwa, kuitira mwari ovanotenda kuti Anovonerera Kumbeji ko Mundhu.
12 Ngo kudaro, ndinozoita kuti aurawe ngo banga,Ndoita kuti vese vagwadame kuti vauraiwe,Ngokuti ndakadaninja, asi imwimwi amuzivi kudavira,Ndakavereketa asi imwimwi amuzivi kupurukira;Makaenderera meciita zviro zvakashata pamberi pangu,Mosana kuita zvicikandidakajisi.”
13 Ngo kudaro, Mambo Mukuru-kuru Jehovha anonanga kudari:
“Vonanyi!” Vashandiri vangu vanozoha asi imwimwi munozogara no njara.
Vashandiri vangu vanozomwa asi imwimwi munozogara no nyota.
Vashandiri vangu vanozodakara asi imwimwi munozopseruka.
14 Vashandiri vangu vanozomima ngo kudakara ngo ndava yo kunasa kugajana,Asi imwimwi munokhuwa ngo kuhwajihwa mwoyoMozocema ngo ndava yo kutambujika.
15 Zina ramunozosiya rinozoshandiswa ngo vasanwi vangu pakutuka,Mambo Mukuru-kuru Jehovha anozouraya umwe na umwe wenyu,Asi ku vashandiri vangu anozovadaninja ngo zina rimweni;
16 Zvoita kuti mundhu wese pa nyika anopsaka makomborero kuitira iyena pacakeAnozokomborehwa ndi Mwari wo cokwadi,Mundhu wese pa nyika anozopikaAnozopikira Mwari wo cokwadi.
Ngokuti matambujiko o kare anozokanganika;Iwona anozogara akavigika pamberi pangu.
17 Ndiri kusika matenga mapsa no nyika imbza;Zviro zvo kare azvizorangarihwizve,Nee azvizohwiririzve mu mwoyo.
18 Ngo kudaro, dakaranyi no kutamba mbhera narini ngo zvandiri kusika
Izwanyi! Ndri kusika Jerusarema inga ciro cinodakajisaNo vandhu varo inga ciro cinovisa mudakaro.
19 Ndinozodakarira Jerusarema no kutamba ngo ndava yo vandhu vangu;Mondhomo amuzozikizve izwi ro kucema* nee kukhuwa ko kutambujika.”
20 Mondhomo amuzovi no mwana mudoko anopona njiku shoma,Nee harahwa icikazoponi njiku jayo jese.
Ngokuti mundhu anofa no zana ro makore,* anozovoniwa inga mujaha,Mushaishi anozotukwa pikija akava no zana ro makore.
21 Ivona vanozovaka nyumba vozogaremo,Vosima muuvha vozoha mucero jayo.
22 Avazovaki kuti mundhu umweni agare,Nee avazosimi kuti vandhu vamweni vahe.
Ngokuti njiku jo vandhu vangu, jinozoezana no njiku jo muti,Vasanwi vangu vanozodakajihwa ngo basa ro nyara javo.
23 Avazoshandi ngo simba mahara,Avazobari vana kuti vatambujike,Ngokuti ivona no vana vavo ndi mubarihwana wakakomborehwa ndi Jehovha.
24 Pikja vacito vandidaninja, ndinozovadavira;Pavanonga vacavereketa, ndinozovazwa.
25 Bumbi no vhuta zvinozohava pomwepo,Mbhondoro inozoha maushwa inga n’gombe yorume,Nyoka inozoha mavhu.
Azvizokhuvazi nee kuparaja pa dundhu rangu rese rakacena,” izvi ndizvona zvinonanga Jehovha.
Masoko o Pasi
^ Kana: “kurira.”
^ Kangaije: “wiya acikagumi zana ro makore, anozovoniwa inga wakatukwa.”
