Jeremiya 17:1-27
17 “Cishaishi co Judha cakatahwa ngo rapi yo simbi.
Cakatahwa ngo thurusi ro buwe rinomonikira* mu mwoyo yavoNo pa nyanga jo artari javo.
2 Pikija vana vavo vanoceukija artari javo no njiki javo jakaceneswa*Phedo po muti wakapfara, mu zvimatundhu zvakakhwirira,
3 no mu matundhu o mubani rakashama.
Ndinozoita kuti zviro zvako no upfumi hwako hwese zvitohwe;Hina, zviro zvinovha mu ndau jako jo kunamatira,* ngo ndava yo cishaishi cawakaita mundharaundha jako jese.
4 Iwewe unozosiya wega ndhaka yako yandakakupa.
Ndinozokuita kuti ushandire vavengi vako mu nyika yaucikaziviNgokuti iwewe wakabwakija ushungu hwangu inga muriro.
Iwona unozopisa mbhera narini.”
5 Jehovha anonanga kudari:
“Mundhu anothemba vandhu,Mundhu anothemba simba ro vandhu,Mundhu acikazwiri Jehovha, ngaatukwe.
6 Iyena anozoita inga muti uri wega uri mu cipare.
Aazovoni zvakanaka pazvinoviya,Asi anogara mu ndau jakavoma jo mubani,Mu nyika ino munyu, icikagahwi ngo mundhu.
7 Mundhu anothemba Jehovha anokomborehwa,Ngokuti vetero yake ina Jehovha.
8 Iyena anozoita inga muti wakasimwa mumbhiripiri mo kumwa,Unotambanuja muji jawo mbhera mukumwa.
Pikija zuva rikapisa maningi, iyena aazozwi kupisa,Masakani ake anogara akapfara mukuvo wese.
Iyena aazokai-kai mu gore ro kutama nvura,*Nee aazotami kubara mucero.
9 Mwoyo unocengeja maningi kupinda zviro zvese.
Iwona wakashata maningi.
Ndiyani angauziva?
10 Inini Jehovha, ndinozemena mwoyo,Ndinopopora murangariro yo mukati-kati,Kuti ndihwirijire umwe na umwe mukuzwirana no makwanja ake,Mukuzwirana no mucero jo mabasa ake.
11 Mundhu anowana upfumi ngo njira icizivi kururama,Wakaita inga cikwari cinounganija manda acikaripi aco.
Upfumihwo hunozomusiya pakati po upenyu hwake,Pejisire iyena anozokhombija kuti ibenji.”
12 Ndau yedu yakaceneswa,Icigaro co umambo cino nduma, cinokujwa kuvhira pakutanga.
13 Jehovha Mwari, ndimwi vetero yo Vaiziraeri.
Vandhu vese vanomusiya, vanozopserujwa.
Vandhu vese vanomupandukira, mazina avo anozotahwa mu bukuta,Ngokuti vakasiya Jehovha, mune wo kumwa yo upenyu.
14 Ndirapenyi Jehovha, inini ndinozorapika.
Ndiponesenyi, inini ndinozopona,Ngokuti inini ndinosimba imwimwi.
15 Vonanyi! Kuno vandhu vamweni vari kundivhunja kudari:
“Riri kwapi soko ra Jehovha?
Tapota, ngarikwanirisike!”
16 Asi inini, andizivi kusiya kumutevera inga muhavisi wangu,Nee andizivi kuenderera mberi ndecikumbira kuti njiku yo dambujiko iviye.
Imwimwi munonasa kuziva zviro zvese zvakaverekethwa ngo muromo wangu;Zviro zvese zvakaitika pamberi penyu!
17 Mucandithyisa.
Imwimwi muri citiziro cangu pa njiku yo dambujiko.
18 Vandhu vanonditeverera ngavapserujwe.
Asi mucasiya inini ndecipserujwa.
Ivona ngavathyiswe,Asi mucasiya inini ndecithyiswa.
Vaviisirenyi njiku yo dambujiko,Vakwiye-kwiyenyi no kuvapeja mukuperera.
19 Ngo kudaro, Jehovha wakandivhunja kudari: “Endai, imai pa musuvo jo vandhu, jinoshandiswa ngo majimambo o Judha kuti anghwine no kubuda, imazve pa musuvo jimweni jese jo Jerusarema.
20 Iwewe unodikana kuvavhunja kudari: ‘Izwanyi soko ra Jehovha, imwimwi majimambo o Judha, vandhu vese vo Judha no vagari vese vo Jerusarema, vanonghwina ngo musuvo iji.
21 Jehovha anonanga kudari: “Bhasopanyi kuti mutame kuthwara mutoro uri wese pa njiku yo Sabudu nee kunghwina nawo ngo pamusuvo jo Jerusarema.
22 Mucaviisa mutoro uri wese kuvha ku nyumba jenyu mu njiku yo Sabudu, nee amudikani kuita basa riri rese. Endereranyi mberi meciita kuti njiku yo sabudu ive yakacena, inga zvandakavhunja majicekuru enyu.
23 Asi ivona avazivi kuzwira nee kunasa kuteya njeve javo, vakavomesa musoro javo voramba kuzwira no kupangihwa.”’
24 “‘“Ngo kudaro, kudari imwimwi mukandizwira ngo mwoyo wese”, izvi ndizvona zvinonanga Jehovha, “motama kunghwina no muthwaro uri wese ngo pamusuvo jo dhorobha iri mu njiku yo Sabudu, moita kuti njiku yo Sabudu ive yakacena, motama kuita basa riri rese,
25 majimambo no vatungamiriri vanogara pa cigaro co umambo ca Dhavhidhi, vanozonghwinavo ngo pamusuvo po dhorobha iri, vecifamba ngo ngoro javo no vakapakira haci. Vanozonghwina ivona, vatungamiriri vavo, vandhu vo Judha no vagari vo Jerusarema. Dhorobha iri rinozogahwa mbhera narini.
26 Vandhu vanozoviya vecivha ku madhorobha o Judha, ku ndau jakatendeneja Jerusarema, ku nyika ya Bhenjamini, ku mapani, ku ndharaundha yo matundhu no ndharaundha yo Negebhi,* veciviisa zvipo zvo kupiswa, mupiro, zvipo zvo mucece, oribhano no mupiro yo kubonga ku nyumba ya Jehovha.
27 “‘“Asi kudari mukatama kundizwira, motama kuita kuti njiku yo Sabudu ive yakacena, mothwara mutoro no kunghwina najo ngo musovo jo Jerusarema mu njiku yo Sabudu, inini ndinozodira muriro mu musuvo jo Jerusarema. Iwona unozopisa muru* jo Jerusarema jakavangiswa, ucikajimwi.”’”
Masoko o Pasi
^ Kana: “dhiyamante.”
^ Vonanyi Kudurujihwa ko Magama.
^ Gama ngo Gama: “ndau jakakhwirira.”
^ Kana: “cikava.”
^ Kana: “Kakusi.”
^ Kana: “mupfimbiji.”
