Jeremiya 18:1-23
18 Jehovha wakabhuya na Jeremiya eciti:
2 “Mukai uende ku nyumba yo muumbi, kondhoyo inini ndinozokuvhunja masoko angu.”
3 Ngo kudaro, inini ndakaenda kumuzi ko muumbi, ndakamukhanda eciumba, ecishandisa mujiyo wo kuumba ndiwona.
4 Asi mujiyo wo dongo wainga weciizwa ngo muumbi’ auzivi kubuda ushoni. Ngo kudaro, muumbi wakaitazve ngapapsa mujiyo umweni mukuzwirana no zvaaida.
5 Ngo kudaro, Jehovha wakabhuyazve na inini eciti:
6 “‘Imwimwi vandhu vo nyumba yo Iziraeri, kureva kuti inini andikwanisi kumuita inga zvaizwari ngo muumbi uwu here?’ izvi ndizvona zvinonanga Jehovha. ‘Kudari inga dongo mu unyara yo muumbi, ndizvona zvakaita imwimwi vandhu vo Vaiziraeri mu nyara jangu.
7 Mukuwo wese wandinozonanga kuti ndinozovhita, kuphwanya no kuparaja jinja kana umambo,
8 jinja rondhoro rikasiya kuita zviro zvakashata zvakaita kuti ndide kuritonga, inini ndinozocinja murangariro wangu ndotama kuriviisira dambujiko randaida kuriviisira.
9 Asi mukuwo wese wandinonanga kuti ndinovangisa jinja kana umambo,
10 asi irona roita zvakashata pamberi pangu no kutama kuzwira izwi rangu, inini ndinozocinja murangariro wangu ndotama kuriitira zviro zvakanaka zvandaida kuriitira.’
11 “Asi wari, ndapota! Vhunjai vanarume vo Judha no vagari vo Jerusarema kudari, ‘izvi ndizvona zvinonanga Jehovha: “Ndiri kumunasirira dambujiko no kumurongera mazano okumutambuja ndiwona. Ngo kudaro, ndapota! Siyanyi makwanja enyu akashata, rungamisanyi makwanja no zviito zvenyu.”’”
12 Asi ivona vakadavira kudari: “Azvina zvazinobesera! Asi itusu tinozoenderera mberi teciita zviro zvatinorangarira, umwe na umwe wedu anozoenderera mberi eciita zviro mukuzwirana no mwoyo wake wakashata.”
13 Ngo kudaro, izvi ndizvona zvinonanga Jehovha:
“Ndapota! Vhunjisanyi imwimwi kamare vandhu vo majinja amweni.
Ndiyani wakambozwa zviro izvi?
Mbhandwe yo Vaiziraeri yakaita zviro zvakashata maningi.
14 Kureva kuti cando cingangarangaka pa mapuwe ari mumbhiripiri mo matundhu o ku Rebhanoni here?
Kureva kuti kumwa inotondhora inovha ndhambo, ingavoma here?
15 Asi vandhu vangu vakandikanganwa.
Ngokuti ivona vanoita mupiro ku zvithombe,Ivona vanoita kuti vakhugunyike mu makwanja avo, mu makwanja avo okare,Vecifamba mu makwanja acizivi kunasirihwa.
16 Ngo kuita izvi, vanoita kuti nyika yavo ive ciro cinothyisa.
Yovazve ciro cinorijihwa mundozva mbhera narini.
Vandhu vese vanopinda ndimona, vanoisota, vothya, vojunguja musoro.
17 Inini ndinozoita inga mbhepo yo kumavhazuva, ndovandhandhanisa pamberi po vavengi vavo.
Pa njiku yo dambujiko ravo inini andizovasoti, asi ndinozovafuratira.”
18 Ngo kudaro, ivona vakati: “Viyanyi, ngatipangane zviro zvakashata zvatinoda kuitira Jeremiya, ngokuti mutemo jo vapiri vedu, mbhangiro jo vazivi vedu no masoko o vaporofeti vedu azvizoperi. Viyanyi, ngatimupumbhe, titame kuzwira zvaanonanga.”
19 Jehovha Mwari wangu, ndizwenyi,Izwanyi zviro zviri kunangwa ngo vavengi vangu.
20 Kureva kuti zviro zvakanaka, zvinodikana kuhwirijihwa ngo zviro zvakashata here?
Ngokuti ivona vakandicira gomba kuti vandiuraye.
Ceukijanyi kuti inini ndainga pamberi penyu kuti ndivaimirire,Kuti ushungu hwenyu hutame kuvawira.
21 Ngo kudaro, itanyi kuti vana vavo vafe ngo njara,Itanyi kuti ivona vatambujwe ngo banga.
Vakaji vavo ngavafihwe ngo vana vavo no majimwamuna avo.
Vanarume vavo ngavafe ngo ndava yo mutungu unouraya.
Majaha avo ngaauraiwe ngo banga ku hondo.
22 Kukhuwa ngakuzike mu mamuzi mavoPamunozovaviisira mambavha ngo civhumbu kuti avahwise.
Ngokuti ivona vaca rindi kuti vandibateNo kuteya murau kuti vandibate.
23 Asi imwimwi Jehovha,Munonasa kuziva mazano avo ese avari kundirongera kuti vandiuraye.
Mucadoregerera kuposa kwavo,Mucafujura cishaishi cavo pamberi penyu.
Ivona ngavakhugunyike pamberi penyu,Pamunovahwisa makanyangajwa.
