Jeremiya 30:1-24
-
Cigondiso co kuhwirijwa no kurapiwa (1-24)
30 Jehovha wakabhuya na Jeremiya eciti:
2 “Jehovha Mwari wo Vaiziraeri anonanga kudari: ‘Tarai mu bhuku masoko ese andinokuvhunja.
3 Ngokuti jiri kuguma njiku,” izvi ndizvona zvinonanga Jehovha, “njiku jandinozounganija vandhu vangu vari kuuranda Vaiziraeri no Vajudha,” izvi ndizvona zvinonanga Jehovha, “ndinozovaviisazve mu nyika yandakapa majicekuru avo, ivona vanozogaremozve.”’”
4 Aya ndiwona masoko Jehovha aakavhunja Vaiziraeri no Vajudha.
5 Izvi ndizvona zvinonanga Jehovha:
“Takazwa kukhuwa ko vandhu vaitetemera;Vandhu vari kuthya, avana runyararo.
6 Ndapota, vhunjisanyi dangani mwanarume anokwanisa kubara mwana.
Waro ngenyi ndiri kuvona vanarume vese vanosimba vakabata mu cihunu,*Inga mwanakaji ari kuda kubara?
Ngenyi kumeso ko vandhu vese kwapera kukwanjika?
7 Maiwee! Ngokuti njiku yondhoyo inothyisa maningi,Akuna njiku imweni inoezaniswa nayo,Imukuvo wo dambujiko kuna Jakobe.
Asi iyena anozoponeswa!”
8 “Mu njiku yondhoyo,” izvi ndizvona zvinonanga Jehovha wo hondo, “ndinozogura kanga yako, ndoivhisa mumusipa mako, ndinozodajura mapote ako, vandhu vo nyikanja avazokuitizve muranda.
9 Vandhu vangu vanozoshandira Jehovha Mwari wavo na Dhavhidhi mambo wavo, wandinozovapa.”
10 “Asi iwewe mushandiri wangu Jakobe, ucathya,” izvo ndizvona zvinonanga Jehovha,“Iwewe Iziraeri, ucathyisijihwa.
Ngokuti ndinozokuponesa ku ndau jo ndhamboNdinozoponesa mubarihwana wako ku nyika yawakaendeswa kuuranda.
Jakobe anozohwirira, ozova akagajana ano runyararo,Pacina mundhu anozovathyisa.”
11 “ Ngokuti inini ndinewe,” izvi ndizvona zvinonanga Jehovha, “kuti ndikuponese.
Asi ndinozoparaja majinja ese andakakundhandhanisira;Ngo kudaro, andizokuparaji.
Ndinozokupangira mukuzwirana no zvaunofanera,Andizokusiyi ucizivi kupangihwa.”
12 Ngokuti Jehovha anonanga kudari:
“Civonje cako acirapiki.
Kukhuvazika kwako akurapiki.
13 Akuna mundhu anojivirira ndava yako,Akuna mutombo kuitira civonje cako.
Iwewe aurapiki.
14 Vese vaikuda vakukanganwa.
Ivona avacakupsakizve.
Ngokuti inini ndakutaka inga matakihwe anoizwa muvengi,Ndakakupanica ngo maitiro akashata,Ngo ndava yo ndava yako yakakura no zvishaishi zvako zvakawanda.
15 Ngenyi uri kukhuwa ngo ndava yo civonje cako?
Kuhwajihwa kwako akurapiki!
Ngo ndava yo ndava yako yakakura no zvishaishi zvako zvakawanda.
Ndini ndakakuitira zviro zvondhozvo.
16 Asi vese vaya vanokuparaja vanozoparajwavo,Vavengi vako vese vanozoendeswavo kuuranda.
Vaya vanokubira vanozobihwavo,Vaya vanokutorera zviro zvako vanozotorehwavo.”
17 ”Ndinozokupekejazve uhomi hwaushoni no kurapa zvivonje zvako,” izvi ndizvona zvinonanga Jehovha,“Pikija hazvo ivona vaikudaninja dhorobha rakarambiwa, veciti:
‘Iri i Ziyoni, ricikapsakwi ngo mundhu ari wese.’”
18 Jehovha anoti:
“Ndinozounganija vandhu vese vo tende ya Jakobe vakaendeswa kuuranda,Ndozoitira pena tabherinake javo.
Dhorobha rinozovakiswazve pa dundhu raro,Muru* wakavangiswa unozoimiswa pa ndau pawo.
19 Ivona vanozobhuya masoko o kubonga vecikhuwa ngo kudakara.
Inini ndinozovaita kuti vawande, avazovi vashoma;Inini ndinozovaita kuti vawande maningi,Ivona avazovi vashoma.
20 Vana va Jakobe vanozoita inga zvavainga kare,Ivona vanozova vandhu vakavanga pamberi pangu.
Ndinozotonga vandhu vese vanovanesa.
21 Mutungamiriri wavo anosimba anozova umwe wo vandhu vavo,Mutongi wavo anozobuda pakati pavo.
Ndinozomuviisa phedo, iyena anozokhwedera phedo neni.”
“Ngokuti ndikatama kuita zvondhozvo, ndiyani waizova no cicunge co kukhwedera phedo neni?” izvi ndizvona zvinonanga Jehovha.
22 “Imwimwi munozova vandhu vangu, inini ndinozova Mwari wenyu.”
23 Vonanyi! Zibepo ra Jehovha rinozovhunguza ngo ushungu,Dutu rinoparaja rinozokhandihwa pamusoro po vandhu vakashata.
24 Ushungu unobwaka wa Jehovha auzohwiririMbhera iyena akwanirise no kuita zviro zvese zvinoda mwoyo wake.
Mu njiku jo kupejisira, imwimwi munozozwisisa zviro izvi.
Masoko o Pasi
^ Kana: “pa ndani.” Vonanyi Kudurujihwa ko Magama pa gama rokuti “cihunu.”
^ Kana: “Mupfimbiji.”
