Jeremiya 45:1-5
-
Masoko a Jehovha kuna Bharuki (1-5)
45 Masoko akanangwa ndi muporofeti Jeremiya ecivhunja Bharuki mwana wa Neriya, paaitara masoko mu bhuku ecivhunjwa ndi Jeremiya, mugore ro cirongomuna ro kutonga ka Jehoyakimi mwana wa Josiya mambo wo Judha nga aya:
2 “Jehovha Mwari wo Iziraeri anonanga kudari ngo pamusoro pako iwewe Bharuki,
3 ‘Iwewe wakati: “Nyathwa kwandiri, ngokuti Jehovha waengejera kucamwa kwangu no kuhwajihwa kwangu! Inini ndapera simba ngo kugomera, andiripi kuwana ndau yokuzororera.”’
4 “Iwewe muvhunjei kudari: ‘Jehovha anoti: “Inini ndiri kuphwanya zviro zvandakavaka, ndiri kuvhita zviro zvondakasima mu nyika yese.
5 Asi iwewe uri kujipsangira zviro zvikuru. Ucaenderera mberi wecipsaka zviro zvondhozvo.”’
“‘Ngokuti ndiri kuda kuviisa dambujiko ku vandhu vese,’ izvi ndizvona zvinonanga Jehovha, ‘kuri kwese kwaunoenda inini ndinozokuponesa.’”
