Jeremiya 47:1-7
-
Uporofeti ngo pamusoro po Vafiristi (1-7)
47 Aya ndiwona masoko akavhunjwa muporofeti Jeremiya ndi Jehovha ngo pamusoro po Vafiristi. Faro wainga acito ahwisa Gaza.
2 Jehovha anonanga kudari:
“Vonanyi! Kumwa iri kuviya yecivha kanjikazi.
Iyona inozoita inga ndambi.
Inozozaja nyika yese no zviro zvese zvirimo,Dhorobha no vagari varo.
Vandhu vanozocema.
Vandhu vese vanogara mu nyika vanozocumba.
3 Pavanozozwa musindo* wo soka jo haci,Kuvhuma ko ngoro* jo hondoNo kutindhira ko marodha o ngoro,Majibaba anozotiza,Ngokuti aazowani cicunge co kuponesa vana vavo,
4 Ngokuti njiku yo kupeja Vafiristi vese iri kuguma,Mutiro no Musidhoni, munozopejwa vandhu vese vanonga vasara vaivabesera pa kuhwa hondo.
Ngokuti Jehovha anozopeja Vafiristi,Vandhu vese vanonga vasara mu cirundu co Kafitori.*
5 Gaza inozova no mbhanja.
Ashikeroni anozonyarajwa.
Imwimwi mwese makasarari mu bani,Mbhera rini munozoenderera mberi mecizviceka-ceka?
6 Maiwee! Banga ra Jehovha!
Unozozorora rini?
Hwirirai mu ndau yaunogaraZororai ugarisike.
7 Ringapejesa kudini basa raroKuveni rakatumwa ndi Jehovha?
Kuti rihwise Ashikeroni no mumbhiripiri mo jombe,Irona rakatumihwa kondhoyo.”
