Jeremiya 5:1-31
5 Famba-fambanyi mu makwanja o Jerusarema.
Sotanyi mu mativi munase kuvona.
Psakanyi mu mabazari enyu muvoneDangani munowana mundhu anoita zviro zvakarurama,Mundhu anopsaka kuva akagondeka,Mukamuwana, inini ndinozoregerera dhorobhero.
2 Pikija ivona vakananga kudari: “Tiri kupika ngo zina ra Jehovha, Mwari anopona!”
Pikija zvakadaro, mbhiko yavo yaizova yokunyepa.
3 Jehovha Mwari wangu, imwimwi amudakari majiso enyu paanovona ugondeki?
Imwimwi makavataka, asi ivona avazivi kuhwajihwa.
Imwimwi makaparaja vazinji vavo, asi ivona avazivi kutendera kupangihwa.
Ivona vakavomesa maningi mwoyo yavo* kupinda mapuwe,Ivona vairamba kuhwirira sure.
4 Asi inini ndakati: “Kunasa kunanga, ava ivandhuvo havo.
Ivona vanoita zviro zvoupenji ngokuti avazivi gwanja ra Jehovha,Ururami wa Mwari wavo.
5 Inini ndinoenda kuno vandhu vanoreremejwa kuti ndibhuye navo,Ngokuti ivona vanodikana kuziva zvinoda Jehovha,Ururami hwa Mwari wavo.
Asi vese vakagura kanga yavoVodajura mapote.”
6 Ngokuti ndizvona zvinoitisa kuti mbhondoro yo mugwasha ivahwise.
Ivona vanouraiwa ngo bumbhi ro mubani.
Khamba rinofindara phedo po madhororbha avo.
Wese anobuda mu dhorobhemo anovhavhuhwa-vhavhuhwa.
Ngokuti zvishaishi zvavo zvakawanda;Zviito zvavo zvokutama kugondeka zvakawanda.
7 Ndingakuregereresa kudini ngo ndava yo zviro izvi?
Vana vako vakandisiya,Ivona vanopika ngo zina ro zvimwari zvokunyepa.
Pikija inini ndaivapa zvavaida,Ivona vakaenderera mberi veciita upombo,Ivona vaienda inga cikwata ku nyumba yo hure.
8 Kudari inga zvinyama,*Ivona vanocido cikuru co kuita vatano no mukaji wo umweni.
9 “Kureva kuti inini andicaidikanepi kuvakhawisa ngo ndava yo zviro izvi here?” izvi ndizvona zvinonanga Jehovha.
“Kureva kuti inini andicaidikanepi kuhwirijira zviro zvakaithwa ngo jinja iri?”
10 “Endanyi ku munda yo muuvha ku Jerusarema muiparaje,Asi mucaiparaja mukuperera.
Guranyi matavi awo mapsa,Ngokuti iwona asipi a Jehovha.
11 Ngokuti vandhu vo jinja ro Iziraeri no vandhu vo jinja ro JudhaVakandicengeja maningi,” izvi ndizvona zvinonanga Jehovha.
12 Ivona vakaramba Jehovha.
Ivona vari kuenderera mberi vecinanga kudari:
“Iyena apana caanozoita.*
Apana dambujiko rinozotiwira;Atizotambujiki ngo hondo nee njara.’
13 Vaporofeti vari kubhuya zviro zvicikabeseri,Soko ra Mwari ariripi na ivona.
Izvi ngazvivaitikire.”
14 Ngo kudaro, izvi ndizvona zvinonanga Jehovha Mwari wo hondo:
“Zvecivoneka kuti vandhu ava vari kunanga izvi,Ndinozoita kuti masoko angu ave inga muriro pa muromo pako,Vandhu ava vanozoita inga huni,Muriro wondhowo unozovapisa.”
15 “Imwimwi vo nyumba yo Iziraeri, inini ndiri kumuviisira jinja rinovha ndhambo, izvi ndizvona zvinonanga Jehovha.
“Iri ijinja rainga ririyo kuvhira kare no kare.
Jinja rokare,Jinja rinovereketa ndumi yamucikazivi,No masoko amucikazwisisi.
16 Mukhwama yavo yakadari inga guva rakashama;Ivona vese imasoca akavanga.
17 Vanozoha zvokuha zvenyu no zviro zvenyu zvamakakotora.
Ivona vanozouraya vana venyu vorume no vokaji.
Ivona vanozoha n’gombe jenyu no mavhuta enyu.
Ivona vanozoparaja muuvha jenyu no mufigu jenyu.
Ivona vanozowisa ngo banga madhorobha enyu akavangiswa amunothemba.”
18 “Pikija mu njikujo,” izvi ndizvona zvinonanga Jehovha, “andizomupeji mukuperera.
19 Ivona vakamuvhunjisa kuti: ‘Ngenyi Jehovha Mwari wenyu wamuitira zvese izvi?’ imwimwi munodikana kuvadavira kudari: ‘Inga kusiya kwamakandiita moenda kooshandira zvimwari zvo nyikanja mu nyika yenyu, ngo kudarovo, munozoshandiravo vandhu vo nyikanja mu nyika iciripi yenyu.’”
20 Zvinangenyi ku nyumba ya Jakobe,Zvizivisenyi ku Judha, meciti:
21 “Izwanyi izvi imwimwi mapenji no vandhu vacina hwiru,Ivona vano majiso asi avavoni;Ivona vano njeve asi avazwi.
22 ‘Imwimwi amundithyi?’ izvi ndizvona zvinonanga Jehovha,‘Amucaidikanepi kutetemera pamberi pangu?
Ndini ndakadira musanga kuti uite mugano wo jombe,Uwu i mutemo wo kwenda no kwenda wokuti jombe arikwanisi kuupindirija.
Mavimbi anotaka, asi aakwanisi kuenderera mberi aripo;Iwona anovhuma, asi pikija zvakadaro, aakwanisi kuupindirija.
23 Asi vandhu ava vakavoma mwoyo, ivona vapanduki;Ivona vasiya gwanja rangu votevera gwanja ravo.
24 Ivona avanangi kudari ngo mu mwoyo mwavo:
“Ngatithye Jehovha Mwari wedu,Wiya anotipa nvura pa mukuvo kwawo,Nvura yokutanga no nvura yokupejisira,Wiya anoita zvese zvaanokwanisa kuti tiwane sumana jokukotora.”
25 Kuposa kwavo ndikona kwakaita kuti zviro izvi zvitame kuitika;Zvishaishi zvenyu ndizvona zvakaita kuti mutame kuwana zviro zvakanaka.
26 Ngokuti pakati po vandhu vangu, pano vandhu vakashata.
Ivona vanodongorira inga mubati wo shiri paanobata shiri.
Ivona vanonasirira murau jinouraya.
Asi ivona vanobata vandhu pa murau yondhoyo.
27 Inga dendere rakazara ngo shiri,Nyumba javo jakazara ngo zviro zvokubiwa.
Ndizvona zvinovaitisa kuti vakhupuke no kuva no simba.
28 Ivona vakapunda, ganda ravo rakati setete;Ivona vanoita zviro zvakawanda zvakashata.
Ivona avajiviriri ndava yo ndherera,*Kuti vabudirire;Vanoramba kutonga ndava jo varombo ngo ururami.’”
29 “Kureva kuti inini andicaidikanepi kuvakhawisa ngo ndava yo zviro izvi here?” izvi ndizvona zvinonanga Jehovha.
“Kureva kuti Inini andicaidikanepi kuhwirijira zviro zvakaithwa ngo jinja iri?
30 Ciro cinoshamaisa no cinothyisa ciri kuitika mu nyika nga ici:
31 Vaporofeti vanoporofeta zvokunyepa,Vapiri vanobzinyirira vandhu vecishandisa cigaro cavo.
Vandhu vangu vanodakarira zviro izvi.
Asi munozoitenyi kudari magumo akaguma?”
Masoko o Pasi
^ Gama ngo Gama: “kumeso kwavo.”
^ Gama ngo Gama: “haci.”
^ Kangaije: “Iyena aako.”
^ Kana: “wakafihwa ndi baba.”
