Jeremiya 6:1-30
6 Imwimwi vana va Bhenjamini, psakanyi kokutizira kuri ndhambo no Jerusarema;Rijanyi mbhayapaya mu Tekowa.
Bwakijanyi citatijo co muriro panyezuru po Bheti-harekemi,Ngokuti dambujiko riri kuvha kanjikazi riri kukhwedera, ibonezi guru.
2 Mwana wokaji wo Ziyoni wakatojana no mwanakaji wakaseja anodakajisa.
3 Vahavisi vanozoviya no mushambi javo.
Vozoimisa matende avo mumbhiripiri mwake,Umwe na umwe anozotora mushambi wake wozoenda kohavisa.
4 “Nasiriranyi kuti muende ku hondo komuhwisa!
Ngatende, ngatimuhwise no masikati!”
“Tinodambujiko, ngokuti zuva roenda kovira,Munvuriri womadeko uri kureba!”
5 “Ngatende, ngatimuhwise no usikuTophwanya muru* jake jakavangiswa.”
6 Jehovha wo hondo anonanga kudari:
“Temanyi mamuti, vakanyi muru* wo kuhwisa Jerusarema.
Irona ndi dhorobha rinodikana kujidavirira;Ngokuti mukati mwaro muno kubzinyirira basi.
7 Inga mwimbo unogara kumwa inotondhora,Dhorobha iri rinoenderera mberi rino zviro zvakashata.
Mukati mwaro muno ugevenga no kuparaja,Ndhenda no dambujiko* zviri pamberi pangu mukuwo wese.
8 Iwewe Jerusarema, tenderai kupangihwa kuti nditame kukusiya ndakakunyangajwira;Ndozokuita mathere, nyika icikagahwi ngo vandhu.”
9 Jehovha wo hondo anonanga kudari:
“Ivona vanozobojera Vaiziraeri vese vakasara inga zvinoithwa uvha jo kupejisira jiri pa muuvha.
Nghwinisaizve mukono wako pa muuvha inga zvinoita mundhu wiya anokava uvha.”
10 “Ndiyani wandinozobhuya naye no kumupangira?
Ndiyani anozozwa?
Ivona vano njeve jakafungwa, ndizvona zvinoitisaro kuti ivona vatame kuzwisisa.
Soko ra Jehovha rakava ciro cavanoshora;Ivona avaridakariri.
11 Ndizvona zvinondiitisa kuti ndizare ngo ushungu hwa Jehovha,Andicakwanisi kuuviga.”
“Dururai kucamwa kwako panyezuru po cimwana ciri mu gwanja,Panyezuru po majaha akaunganaNgokuti vese vanozobatwa, mwanarume no mukaji wake,Vasharuka no harahwa.
12 Nyumba javo jinozopuwa vandhu vamweni,Pamwepo no munda yavo no vakaji vavo.
Ngokuti ndinozotambanuja nyara yangu kuti ndihwise vagari vo nyika iyi,” izvi ndizvona zvinonanga Jehovha.
13 “Kuvhira ku vana vadoko mbhera ku madhodha avo, vese vanowana ciro ngo njira icizivi kururama;Kuvhira kumuporofeti mbhera kumupiri, vese vanoita zviro zvinocengeja.
14 Vanoeja kurapa zvivonje zvo vandhu vangu vecinanga kudari:
‘Kuno runyararo! Kuno runyararo!’
Kuveni akuna runyararo.
15 Kureva kuti ivona avapseruki ngo zviro zvakashata zvavakaita?
Ivona avapseruki!
Nee avazvizivi zvinoreva kupseruka!
Ngo kudaro, vanozowira pavaya vakawa.
Vanozokhugunyika pandinozovapanica,” izvi ndizvona zvinonanga Jehovha.
16 Jehovha wakavavhunja kudari:
“Imanyi pa mbhararano yo makwanja muvone.
Vhunjisanyi makwanja o kare,Vhunjisanyi kuti riri kwapi gwanja rakanaka, mufambe ndirona,Imwimwi munozozorora.”
Asi ivona vanoti: “Atizofambi ndirona.”
17 “Inini ndakagaja varindiri vakavavhunja kudari:
‘Nasanayi kupurukira kurira ko mbhayapaya!’”
Asi ivona vakananga kudari: “Itusu atizoipurukiri.”
18 “Imwimwi majinja izwanyi!
Imwimwi vandhu zivanyi zviro izviZvinozovaitikira.
19 Iwewe nyika izwai!
Ndiri kuviisira vandhu ava dambujikoInga muviyo o mazano avo,Ngokuti ivona avazivi kuzwira masoko anguVoramba mutemo wangu.”
20 “Ndinenyi no oribhano yamunovha nayo ku nyika yo Shebha?
Ndinenyi no karamo* yamunovha nayo ku nyika iri ndhambo?
Inini anditenderi cipo cese cenyu cokupiswa,Mupiro jenyu jese ajindidakajisi.”
21 Ngo kudaro, Jehovha anoti:
“Ndinozodira mapuwe anokukhugunya pamberi po vandhu ava,Ivona vanozokhugunywa ndiwona,Majibaba no vana vavo pamwepo,Vocigarisano no shamwari javo,Vese vanozofa.”
22 Jehovha anoti:
“Vonanyi! Kuno vandhu vari kuviya vecivha kanjikazi,Jinja guru rinozomuka recivha kumativi ari ndhambo maningi o nyika.
23 Ivona vakabata mupasha no mukhondo.*
Ivona vakashata maningi nee avatona pena.
Izwi ravo rinovhuma inga jombe,Pavanonga veciviya vakapakira haci.
Ivona vanoviira iwewe mwana wokaji wo Ziyoni,Vakaita inga masoca akavanga akanasirira kuhwa hondo.”
24 Takazwa masoko ngo pamusoro pazvo.
Nyara jedu jakapera simba;Takabatwa ngo kuthya,Kuhwajihwa inga mwanakaji ari kuda kubara.
25 Mucaenda kumaminda,Mucafamba mu makwanja,Ngokuti muvengi ano banga,Pandau pese paari panothyisa maningi.
26 Iwewe mwana wokaji wo vandhu vangu,Simirai mapendera o saku, uzvizoje ngo marota.
Cemai ngo kuhwajihwa, inga kucema kunoita mundhu wafihwa ngo mwana wake umwe,Ngokuti ngo civhumbu muparaji anozotigumira.
27 “Inini ndakakuita* kuti uve mundhu anoeja utare pakati po vandhu vangu,Mundhu anonasa kupopora ushoni;Nasai kuzwisisa, upopore makwanja ako.
28 Ivona vanarume vakaoma musoro,Vanogara vecindhandhanisa manyepo.
Vakaezana no utare no simbi;Vese ava vanobzinyirira.
29 Ciro cinofutija muriro capera simba.
Muriro wabudisa mutovhe basi.
Munyungurusi wo simbi anoenderera mberi ecishanda ngo simba biresi.
Ngokuti vandhu vakashata avazivi kupejwa.
30 Zvokadi vandhu vanozovadaninja kuti isirivha yarambwa,Ngokuti Jehovha waramba.”
Masoko o Pasi
^ Kana: “mupfimbiji.”
^ Kana: “mupfimbiji.”
^ Kana: “mutungu.”
^ Uwu imuti unonuhira.
^ Thurusi rinoshandiswa ku hondo.
^ Apa pari kunangira Jeremiya.