Jeremiya 9:1-26
9 Kudari musoro wangu na wainga mwimbo* wakazara ngo kumwa,Kudari majiso angu noainga ndau inogara musoji!
Inini ndaizocema usiku no masikatiNgo ndava yo vandhu vangu vakauraiwa.
2 Kwandiri zvaizova zvaushoni kudari no ndainga no ndau mu cipare yo kuashira varendo!
Ngo kudaro, inini ndaizosiya vandhu vangu ndoenda koogara navo,Ngokuti ivona vese vanoita upombo,Icikwata co vandhu vanocengeja.
3 Ivona vakanasiririka kuti vanyepe inga uta wakakungwa kuti ufure;Mu nyika makazara ngo manyepo, imona amucina ugondeki.
“Ivona vanoenderera mberi veciita zvakashata,Ivona avandizwiri,” izvi ndizvona zvinonanga Jehovha.
4 “Mwese munodikana kubhasopa no shamwari jenyu,Amudikani kuthemba hama jenyu.
Ngokuti hama jenyu jese jinocengeja,Shamwari jenyu jese jinoshorana.
5 Umwe na umwe wavo anocengeja mudoni wake,Apana na umwe anobhuya cokwadi.
Ivona vakajijisa rurumi hwavo kubhuya manyepo.
Ivona varemba maningi ngo kuita zviro zvakashata.
6 Iwewe unogara pakati po vandhu vanonyepa.
Ngo ndava yo kunyepa kwavo, ivona vanoramba kundiziva,” izvi ndizvona zvinonanga Jehovha.
7 Ngo kudaro, izvi ndizvona zvinonanga Jehovha wo hondo:
“Ndinozovacenesa* no kuvaeja,Ngokuti zvicinyi zvandingaitazve no mwana wokaji wo vandhu vangu?
8 Rurumi hwavo imupasha unouraya, iwona unobhuya manyepo.
Ngo muromo javo, ivona vanobhuya ngo pamusoro po runyararo ku mudoni wavo,Asi ngo mu mwoyo mavo vanoronga kuvaitira zvakashata.”
9 “Kureva kuti inini andicaidikanepi kuvakhawisa ngo ndava yo zviro izvi here?” izvi ndizvona zvinonanga Jehovha.
“Kureva kuti inini andicadikanepi kuhwirijira zviro zvakaithwa ngo jinja iri?
10 Ndinozocema no kucumba ngo ndava yo matundhuNdinozoimba ndumbo yo ciriro ngo ndava yo mahavo o mucipare,Ngokuti iwona akapiswa, zvoita kuti patame no mundhu anopinda ndimona,Nee amuripi kuzika izwi ro mushambi.
Shiri jo kudenga no zvinyama zvakatiza, izvona zvakapinda.
11 Ndinozoita kuti Jerusarema rive mututu yo mapuwe, ndau yo kufindara yo imbhwa jo musora,Ndinozoita kuti madhorobha o Judha ave mathere, pacinazve anogaremo.
12 Ndiyani ano uzivi hwakakura kuti akwanise kuzwisisa zviro izvi?
Jehovha wakabhuya naani kuti iyena azivise zviro izvi?
Ngenyi nyika iyi yakaparajwa?
Ngenyi nyika iyi yakavoma inga cipare,Zvoita kuti patame no mundhu ari wese anopinda ndimona?”
13 Jehovha wakadavira kudari: “Ngokuti ivona vakaramba mutemo wangu wandakavapa, ivona avazivi kuutevera nee kuzwira izwi rangu.
14 Kunja kwa izvi, ivona vakazwira mwoyo yavo, vonamata zvithombe zva Bhaari inga zvovakajijiswa ngo majibaba avo.
15 Ngo kudaro, izvi ndizvona zvinonanga Jehovha wo hondo Mwari wo Vaiziraeri: ‘Inini ndinozoita kuti vandhu ava vahe muti unovava no kumwa kumwa ino nvenene.
16 Inini ndinozovandhandhanisa pakati po majinja okuti nee ivona, nee majibaba avo aacaimazivepi, ndinozotumiravo vavengi vavo* sure kwavo mbhera ndipeje kuvauraya.’
17 Izvi ndizvona zvinonanga Jehovha:
‘Rangarijisisanyi zviro zviri kuitika.
Daninjanyi vanakaji vanoimba ndumbo yo ciriro,Daninjanyi vanakaji vanokwanisa kuita mabasa,
18 Kuti ivona vaviye ngo kukasika vatiimbire ndumbo yo ciriro,Kuti majiso edu abude musoji,Kuti siyo jedu jipere kubira ngo musoji.
19 Ngokuti ku Ziyoni kuri kuzika ndumbo yo ciriro:
“Itusu tapera kuparajwa!
Tapserujwa maningi kamare!
Ngokuti itusu takasiya nyika yedu, ivona vapera kuphwanya nyumba jedu.”
20 Imwimwi vanakaji, izwanyi soko ra Jehovha.
Njeve jenyu ngajizwe soko rinovha pamuromo pake.
Jijisanyi vana venyu vokaji ndumbo iyi yociriro,Jijisananyi umwe no umweni ndumbo iyi yociriro.
21 Ngokuti rufu hwapinda ngo mujhanera jedu;Wanghwina mu rusingo jedu jakavangiswaKuti uuraye vana mu makwanjaNo kuuraya majaha mu mabazari.’
22 Nangai kudari: ‘Izvi ndizvona zvinonanga Jehovha:
“Mutembo javo jinozoita inga ndimo mumaminda,Inga mutoro yo tirigu yapera kukotohwa yosiiwa sure ngo vakotori,Pacina ariwese kuti aibojere.”’”
23 Izvi ndizvona zvinonanga Jehovha:
“Muzivi aavhiri kudada ngo ndava yo uzivi hwake;Mundhu ano simba, aavhiri kudada ngo ndava yo simba rake;Mukhupuki aavhiri kudada ngo ndava yo upfumi hwake.”
24 “Asi wiya anodada, ngaadade ngo ndava ya izvi:
Ngo kuva anozwisisa no kuva no zivo ngo pamusoro pangu,Anoziva kuti inini ndini Jehovha, Wiya anokhombija rudo hucikacinji, ururami no urungami panyika,Ngokuti zviro izvi, ndizvona zvinondidakajisa,” izvi ndizvona zvinonanga Jehovha.
25 “Izwanyi! Jiri kuguma njiku,” izvi ndizvona zvinonanga Jehovha, “njiku jokuti ndinozotonga vandhu vaya vakasokwa, kuveni kunasa kunanga ivona avazivi kusokwa,
26 kubatanijavo no vandhu vo ku Ejipita, Judha, Edhomi, vana va Amoni, vandhu vo ku Mowabhi no vese vaya vanogara mucipare vakagundhwa mashasha avo;* ngokuti majinja ese aya aazivi kusokwa, vandhu vese vo nyumba yo Iziraeri avazivi kusokwa mu mwoyo.”
Masoko o Pasi
^ Kana: “sime.”
^ Izvi zvinonangira kushandisa muriro kuitira kunyungurusa simbi kuti ive yakacena.
^ Kana: “ndinozotumira banga ravo.”
^ Mashasha ivhuji rinomera kuvha mu musoro robatana no ndevhu.