Jobe 30:1-31
30 “Wari vari kundisekaVana vadoko kupinda ininiVainga no majibaba andakaramba kudira pamwepoNo imbhwa jaingwarira mavhuta angu.
2 Simba ravo rakandibeserenyi?
Kuvanga kwavo kwangara-ngara.
3 Ivona vapera simba ngo pamusoro po matambujiko no njara;Vanocenga zviri zvese zvavanowana mubaniZviro zviri pamathere zvatopera no kuvora.
4 Vanounganija masakani anojamunya opfiba,*No muji jinovava jo muti kuti vahe.
5 Vanogogomehwa pakati po vandhu;Vandhu vanovakhuwira* inga mbavha.
6 Ivona vanogara mu magomokomo,*Mu marindi o pasi no omapuwe.
7 Vanocema* pakati po mapfiba*Voungana mu manama.
8 Inga vana vo mapenji no vo vandhu vacikaziviki,Ivona vakagogomehwa munyika.
9 Asi wari vanondiseka pikija pa ndumbo javanoimba.Ndiri kusekwa ndivona.
10 Ivona vanondinyenya, vogara ndhambo na inini.Vanotocunga kupfirira kumeso kwangu.
11 Mwari wanditorera uta hwandaishandisa, wondidodokesa.Ivona avatothyi ngo kuvepo kwangu.
12 Vanobuda ngo divi ro mukono muho inga mabhandidhu;Ivona vanondiita kuti nditize.Ivona vanondifungira makwanja angu kuti ndife.
13 Ivona vanophwanya makwanja anguVoengejera dambujiko rangu,Pacina ari wese anovakamisa.
14 Vanonghwina inga vari kunghwina ngo pandau yakamweka maningi yo biravira;Ivona vanofamba ngo pakati po ndau yakapera kuphwanywa.
15 Ndanyiswa ngo kuthya.Kureremejwa kwangu kunotohwa inga kuri kutohwa ngo mbhepo,Ruponeso hwangu hunongara-ngara inga makore.
16 Wari upenyu hwangu huri kupera;Ndagumihwa ngo njiku jo matambujiko.
17 Kuhwaja kuri kubovora maphondo angu* co usikuKuhwaja akuripi kupera.
18 Ngo simba guru, nguvo yangu inocinja mavonekero ayo.Inondipsinya inga gora ro nguvo.
19 Mwari wandikhandira mu matope;Ndakaithwa bukuta no marota.
20 Ndinokhuwa* kwamuri ndecikumbira kubeswa,Asi imwimwi amundidaviri;
Ndinoima, asi imwimwi munondisota basi.
21 Imwimwi mandipandukira ngo thima.*Monditaka ngo simba rese ro mukono wenyu.
22 Imwimwi munondimujura no kundithwara ngo mbhepo;Perapo mondikhandira ini na ini ngo zibepo.*
23 Ndinozviziva kuti imwimwi munondiendesa mu rufu,Mu nyumba munozosongana vandhu vese.
24 Apana anotaka mundhu wakasakaraPaanonga ecikumbira kubeswa pa matambujiko ake.
25 Kureva kuti andizivi kucema* nga vaya vari kutambujika?
Kureva kuti andizivi kuzwira pena varombo?
26 Pikija ndaiimira zviro zvaushoni,Asi zvakashata ndizvona zvakaguma;
Ndaiimira ruvheneko, asi cidima ndicona cakaguma.
27 Maura angu ari kuvira mukati mwangu;Njiku jo matambujiko jandigumira.
28 Ndinofamba ndakacamwa;
Akuna ruvheneko hwo zuva.
Ndinomuka pakati po vandhu, ndokumbira besero.
29 Inini ndakava shamwari jo imbhwa jo musoraNdogara no zvivana zvo ice.*
30 Ganda* rangu rasvipa no kuguura*Maphondo angu ari kupsa ngo kupisa
31 Cimadangari cangu ciri kushandiswa basi pa kurija ndumbo jo kucumbaMutoriro wangu, uri kushandiswa pa kurija ndumbo jo ciriro.
Masoko o Pasi
^ Kana: “ofusi.”
^ Kana: “vanovamimira.”
^ Kana: “mapambha; maguru.”
^ Kana: “Vanorira.”
^ Kana: “mafusi.”
^ Gama ngo Gama: “maphondo angu ari kubaiwa-baiwa.”
^ Kana: “Ndinomima.”
^ Kana: “cishatihwa.”
^ Kana: “dutu.”
^ Kana: “kurira.”
^ Kana: “zishiri ziguru.”
^ Kana: “Dovo.”
^ Kana: “kuzura.”
