Jobe 34:1-37
34 Ngo kudaro, Eriyuu wakaenderera mberi eciti:
2 “Izwanyi zvandiri kudari kuvereketa,Imwimwi munozivari zviro zvizinji,
Ndizwenyi imwimwi munozivari maningi.
3 Ngokuti njeve jinozwa magamaKudari inga rurumi unoravira zvokuha.
4 Ngativone kuti ngozvapi zvakanaka;Tosunga kuti ngozvapi zvakanaka.
5 Ngokuti Jobe wananga kudari:‘Ndinozviziva kuti inini ndinorazau,
Asi Mwari wakaramba kunditonga ushoni.
6 Kunanga kuti inini ndaizonyepa
Ndonanga kuti ndino ndava?
Zvivonje zvangu azvirapiki,
Pikija kuti inini andizivi kuita ciri cese cakashata.’
7 Ndiyani mundhu wakatojana na Jobe,Anomija zvituko inga kumwa?
8 Iyena anofamba no vakashata,Wobatana no vashaishi.
9 Ngokuti iyena wakananga kudari:‘Mundhu aawani ciri cese ngokuda kudakajisa Mwari.’
10 Ngo kudaro, ndizwenyi vandhu vanozwisisa:
Mwari wocokwadi aazoiti cakashata,Womasimba Ese aazoiti zvakashata!
11 Iyena anozopoceresa mundhu mukuzwirana no zviito zvakeAnozomupekeja zvaanofanera.
12 Cokwadi ngo cokuti, Mwari aaiti zvakashata;Womasimba Ese aashaishi kutonga ndava.
13 Ndiyani wakamugaja kuti atungamirire pasi pano?Ndiyani wakamuita kuti avonerere nyika yese?
14 Kudari akadira mwoyo wake kwavari,Kana akatora simba ravo ro upenyu no mwiha wavo wavanofema
15 Vandhu vese vaizofa pamwepo,Ivona vaizohwirira ku mavhu.
16 Kudari wecizwisisa, izwai izvi;Nasai kupurutana* zvandiri kudari kunanga.
17 Mundhu anonyenya zvakarurama, angatonga here?Iwewe ungatonga mundhu wakarurama ano simba here?
18 Kureva kuti waizovhunja mambo kudari:
‘Iwewe aushandi ciro,’
Kana kuvhunja vakhupuki kudari:
‘Imwimwi makashata’?
19 Kuno mundhu acikakheti vana va mamboNee aadakariri vakakhupuka kupinda varombo,*Ngokuti vese vakaithwa ngo nyara jake.
20 Ivona vanofa ngo civhumbu pakati po usiku;Vanotetemera maningi vofa;Pikija vandhu vakavanga vanovhiswa,
Asi avavhiswi ngo nyara jo mundhu.
21 Ngokuti majiso a Mwari anovona makwanja o mundhuIyena anovona mudanyu javo jese.*
22 Akuna ndau yakaita cidima ingafindara* vandhu vakashataNee ndau yakati phuu ngo cidima.
23 Ngokuti Mwari aazivi kugaja nguva yokuti mundhu aende kwaari kuti atongwe.
24 Iyena anouraya vano simba, acikadikani kupsakisisa,Wodira vamweni pa ndau pavo.
25 Ngokuti iyena anozviziva zvavari kuita;Iyena anovaphwanya no usiku, perapo wovacikita.
26 Iyena anovataka ngo pamusoro po zvishaishi zvavo,Pandau yokuti vandhu vazinji vanozvivona,
27 Ngokuti vakasiya kumuteveraIvona avana basa no makwanja ake;
28 Ivona vanoita kuti murombo akhuwe* kwavariZvokuti iyena aazwi kukhuwa ko vandhu vacina mubeseri.
29 Kudari Mwari akanyararisa,
Ndiyani angamutonga?
Kudari akaviga ku meso kwake,
Ndiyani angakuvona?
Kudari akazviitira jinja kana mundhu umwe,
Muviyo wakona ndiwona wondhowo,
30 Zvoita kuti mundhu wakashata atame kutongaNee aateyi vandhu.
31 Kureva kuti ariwese angavhunja Mwari kudari:‘Ndakasvuzvunuhwa,
Kuveni andizivi kuita ciri cese cakashata;
32 Nditatijei zvandicizivi kukwanisa kuvona;Kudari ndaita zvakashata, andicazozviitizve’?
33 Kureva kuti Mwari waizokukomborera ngo njira yaunoda,
Kuveni waramba kutongwa ndiyena?
Ndiwe unodikana kuzvisanira wega kuciripi inini.
Wari ndivhunjei zvaunonasa kuziva.
34 Mundhu anozwisisaNo mundhu wakangwara anondizwa,
Anozondivhunja kudari:
35 ‘Jobe anovereketa zvaacikaziviMasoko ake anoverekethwa ngo mundhu acina hwiru.’
36 Jobe ngaaejwe* mbhera pakupejisiraNgokuti mupinguro jake jakadari inga jo vandhu vakashata!
37 Iyena anoengejera cishaishi cake;Anotaka nyara zvo gozo pamberi peduAnoengejera magama ake kuti aphikizane na Mwari!”
Masoko o Pasi
^ Kana: “kupurukira.”
^ Kana: “vanojidodokesa.”
^ Kana: “madazo avo ese.”
^ Kana: “kungavanda.”
^ Kana: “amime.”
^ Kangaije: “Babangu, Jobe ngaaejwe.”
