Jobe 39:1-30
39 “Iwewe unoiziva nguva inobara mbuji jo musora?
Wakambovona nondo* jecibara vana?
2 Kunanga kuti iwewe unoziva kuti jinopeja mweji mungana jino mimba?
Kunanga kuti unoziva kuti ijona jinobara rini here?
3 Ijona jinogwadama pajinonga jecibara vana vajo,Kuhwaja kwajinozwa pakubara,* kunopera.
4 Zvivana zvajo zvinovanga no kukura mumakwasha,Izvona zvinopinda, zvotamazve kuhwirira kuna mai wazvo.
5 Ndiyani wakapa rusujunuko mbongoyo yo musora?Ndiyani wakasujunura mapote o mbongoyo yo musora?
6 Ndakaidira mu bani kuti igaremo,Ndoidirazve mu ndau ino munyu kuti igaremo.
7 Iyona inoshora joweyowe riri mudhorobha,*Iyona aizwi izwi ro mundhu anokumbza zvinyama kuti zvibate basa.
8 Inofamba-famba mu matundhu yecipsaka mahavo,Yecipsaka mukhaindi wese wo maushwa akapfara.*
9 Kunanga kuti mwombe yo musora,* inozotendera kukushandira?
Kunanga kuti iyona inozotendera kuejehwa mu cibaya cako?*
10 Kunanga kuti iwewe, unokwanisa kusungira n’gombe yo musora pa sharuwa ngo bote?Kana kuti, ingakutevera kuti irime mu bani here?
11 Iwewe unozoithemba ngokuti ino simba guru here?Unozoiregera yecikuitira basa rako rinonesa here?
12 Kunanga kuti ungatoithemba kuti ikuviisire mbeu yako here,Yoenda ko unganija pa cimbuwa cako?
13 Mapapiro* o ice* anobhabhama akadakara.Kureva kuti mapapiro ayo no mandhenga ayo
Angaezaniswa no o thupu?*
14 Iyona inobara manda ayo pasi,Yomaita kuti ajiihwe mumusanga.
15 Iyona inokanganwaKuti angacikwa ngo mundhu ari wese ophwanyika,
Kana kuti cinyama co musora cingamacika.
16 Inotaja zvivana zvayo ngo hasha,Inga zviciripi zvivana zvayo.
Iyona aineseki ngokuthya kushanda biresi.
17 Ngokuti Mwari wakainyima* uziviAazivi kuitazve kuti izwisise.
18 Asi painomuka yo bhabhama,Inoseka haci* no mupakiri wayo.
19 Kunanga kuti ndiwe unopa simba haci?*
Ndiwe unoisimija mumusipa mayo ngo ukuse?*
20 Kunanga kuti iwewe ungaita
Kuti iphuke inga ndere?*
Kurira kwayo ngo simba kunothyisa.
21 Iyona inokhwara pasi,Yodakara maningi ngo simba rainayo.
Inobuda yecigogoma kuti iyende ku hondo.
22 Iyona ikavona zviro zvinothyisa inoseka.
Aithyiswi ngo ciro.
Aihwiriri sure ngo ndava yo banga.
23 Mukhwama unogara mupashaUnorira panyezuru payo.
Mukhondo no munji unoceketuka.
24 Iyona yecitetemera no ushungu,Inobuda yecigogoma,
Aikwanisi kucijikira* mbhayapaya painorira.
25 Ikazwa kurijwa ko mbhayapaya, iyona inorira!
Ngo ndhambo, inozwa munuhi wo hondoInozwazve kukhuwa* ko vatungamiriri
No kukhuwa* ko hondo.
26 Kunanga kuti kuzwisisa kwakoNdikona kunoita kuti njerere imburuke,
Yotambanuja mapapiro* ayo kakusi here?
27 Kureva kuti hokotora inomburuka kwenda kudengaNgo kuvhunjwa ndiwe here,
No kuvaka saki rayo panyezuru,
Ngo kuvhunjwa ndiwe here,
28 Inovata pa buwe no usikuPandau yakavanga ku mbhiri ko zibuwe
Ngo kuvhunjwa ndiwe here?
29 Iri kondhoyo, inopsaka zvokuhaMajiso ayo anokwanisa kuvona ndhambo maningi.
30 Vana vayo vanomwa sangi;Pano cinyama cakafa, ndipona painowanika.”
Masoko o Pasi
^ Cinyama co musora cino manyanga akaita zvipanda.
^ Kana: “kusurungumwa kwajo.”
^ Kana: “musidhadhi.”
^ Kana: “akadakaja; akanaka.”
^ Kana: “kuti n’gombe yo musora.” Cinyama cokare caitojana no nyati.
^ Kana: “phandu rako.”
^ Kana: “gundhya.”
^ Kana: “zishiri ziguru.”
^ Kana: “Mapapa.”
^ Gama ngo Gama: “wakaiita kuti ikanganwe.”
^ Kana: “kavharo.”
^ Kana: “kavharo.”
^ Kana: “mavhiri.”
^ Kana: “zidoto.”
^ Kangaije, “aitendi.”
^ Kana: “kumima.”
^ Kana: “kumima.”
^ Kana: “mapapa.”
