Jobe 42:1-17
42 Jobe wakadavira Jehovha kudari:
2 “Wari ndonasa kuziva kuti imwimwi munokwanisa kuita zviro zvese.Kwamuri apana camunorangarira kuita cotama kuitika.
3 Imwimwi mwakati: ‘Ndiyani uwo ari kuejaro kuvhiringija mbhangiro yangu acina uzivi?’
Zvokadi inini ndakavereketa ndicina uziviNgo pamusoro po zviro zvinondishamaisa zvandicikazivi.
4 Imwimwi mwakati: ‘Izwai ndapota, inini ndinozovereketa.
Ndiri kuda kukuitira muvhunjo, iwewe undidavire.’
5 Ndaiita ngo kuzwa ngo pamusoro penyu,Asi wari ndotomuvona kamare ngo majiso angu.
6 Ndizvona zvinondiitisari kuti ndinange kuti zvondaingari ndakananga andizvopi.Ndinovonesa kukhauya* kwangu ngo kujizoja mavhu no marota.”
7 Jehovha paakapera kubhuya na Jobe masoko aya, Jehovha wakavhunja Erifazi Mutemani kuti:
“Ushungu hwangu huri kubwakira iwewe no shamwari jako mbiri, ngokuti amuzivi kuvereketa cokwadi ngo pamusoro pangu inga zvakaita mushandiri wangu Jobe.
8 Wari toranyi n’gombe nomwe no mavhuta manomwe, muende nazvo ku mushandiri wangu Jobe, muite mupiro wo kupiswa kuti zvibesere imwimwi. Mushandiri wangu Jobe anozomuitira mukumbiro. Inini ndodavira mukumbiro wake, ndotama kumuitira zvakashata ngo upenji hwomakaita, ngokuti amuzivi kuvereketa cokwadi ngo pamusoro pangu inga zvakaita mushandiri wangu Jobe.”
9 Ngo kudaro, Erifazi Mutemani na Bhiridhadhi Mushuwa na Zofari Munaamati, vakapinda voita zvovakavhunjwa ndi Jehovha. Jehovha wakazwa mukumbiro wa Jobe.
10 Jobe paakapera kuita mukumbiro ngo pamusoro po shamwari jake, Jehovha wakapeja matambujiko a Jobe no kumusijira upfumi hwake. Jehovha wakamupekeja zvakapethwa kaviri pa zvese zvaainga nazvo.
11 Hama no hambzaji jake jese, no shamwari jake jokare, vakaenda komuvona pamuzi pake voha vese. Ivona vakasuruvara* no kumunyaraja ngo ndava yo matambujiko ese akatendehwa ndi Jehovha kuti Jobe asongane nao. Umwe na umwe wavo wakamupejeka zvipo zvo mare no biriku* jo goridhi.
12 Ngo kudaro, Jehovha wakakomborera Jobe pa divi ro kupejisira ro upenyu hwake, kupinda pakutanga. Jobe wakava no mavhuta anokwana kuita 14.000 no kamera jinokwana kuita 6.000 no n’gombe jinokwana kuita 1.000 no mbongoyo jokaji jinokwana kuita 1.000.
13 Iyena wakavazve no vana vanomwe vorume no vana vatatu vokaji.
14 Iyena wakadura mwana wokutanga wokaji kuti Jemima, wocipiri wakamudura Keziya, wocitatu womudura Kereni-hapuki.
15 Mu nyika yese yaaigararo, mainga mucina vanakaji vaiseja* kuezana no vana vokaji va Jobe. Baba wavo, wakavapekeja utaka pamwepo no hama javo jorume.*
16 Sure kwazvo, Jobe wakava no 140 o makore, wovona kubahwa ko vana vake, no vazukuru vake mbhera ku mubarihwana wocirongomuna.
17 Pakupejisira, Jobe wakafa pasure pokuva no upenyu wakareba no unodakajisa.
Masoko o Pasi
^ Kana: “kuzvivaza.”
^ Kana: “vakacamwa.”
^ Kana: “mbhete.”
^ Kana: “vainyara.”
^ Kana: “no hambzaji javo.”
