Joweri 1:1-20
1 Masoko akananga Jehovha ecivhunja Joweri* mwana wa Petuweri nga aya:
2 “Izwanyi izvi, imwimwi vakuru,Nasanyi kupurukira, imwimwi mwese vagari vo munyika.
Zviro zvakadari zvakamboitika mu njiku jenyuKana kuti mu njiku jo majibaba enyu?
3 Vhunjanyi izvi vana venyu,Vana venyu vavhunjevo vana vavo,Vana vavo vavhunjevo mubarihwana unotevera.
4 Zvakasiiwa ngo ndere inoparaja, zvakahiwa ngo cikwata co ndere;Zvakasiiwa ngo cikwata co ndere, zvakahiwa ngo ndere icina mambau;Zvakasiiwa ngo ndere icina mambau, zvakahiwa ngo ndere inoha zvese icikasii ciro.
5 Zvidhakwa, mukanyi muceme!*
Cumbanyi, mwese imwimwi munomwa vhinyu,Ngokuti vhinyu inonaka yavhiswa pa muromo penyu.
6 Ngokuti kuno jinja rino simba ranghwina mu nyika yangu. Irona rakawanda maningi zvokuti ariverengeki.
Meno aro akaita inga meno o mbhondoro, shaya jaro jakaita inga shaya jo mbhondoro.
7 Rakapeja muuvha wangu no kugura-gura mufigu wangu,Rakapurura miti yese rokhandira ndhambo,Rosiya matavi ayo acina ciro.
8 Cumbai inga zvinoita mbhandwe yakasimira mapendera o sakuNgo kufihwa ngo mujaha waaida kucadha naye.
9 Pa nyumba ya Jehovha, mupiro yo zvokuha* no mupiro yo doro zvapera;Vapiri vanoshandira Jehovha, vari kucema.*
10 Munda wasakajwa, mavhu ari kucema;*Vhinyu imbza yavoma, mafuta apera.
11 Varimi vari kuneseka, vashandi vo mumunda wo muuvha vari kucumba,Ngo ndava yo tirigu no sevhadha;*Ngokuti mbeu yo mumunda yapera.
12 Muuvha wavoma,Mufigu wavoma.
Muromaa, munazi, muti yo masaa,No muti yese yo mumunda yavoma;Mudakaro wo vandhu wapera, kosara kupseruka.
13 Imwimwi vapiri, simiranyi mapendera o saku muceme;*Cumbanyi, vashandiri vo pa artari.
Imwimwi vashandiri va Mwari wangu, nghwinanyi mukati muvate makasimira mapendera o saku;Ngokuti akucina ari kuviisa mupiro yo zvokuha* no mupiro yo doro ku nyumba ya Mwari wenyu.
14 Zivisanyi vandhu kuti vazire. Daninjanyi vandhu kuti vaviye ku musongano wakacena.
Unganijanyi vakuru no vagari vese vo panyika,Ku nyumba ya Jehovha Mwari wenyu, mudaninje* Jehovha kuti amubesere.
15 Nyathwa, ngo ndava yo njiku iya!
Ngokuti njiku ya Jehovha yaaphedo,Iyona inozoguma inga kuparaja kunovha ku wo Masimba Ese!
16 Mu Nyumba ya Mwari, amucina mudakaro no mutambo,Ngokuti zvokuha zvapera.
17 Mbeu jafota* pasi po mavhu.*
Nyumbu ajicina zviro.
Zvitumba* zvakawiswa, zvokuha* zvakavoma.
18 Pikija zvifuyo zviri kugomera!
N’gombe jiri kuherereka ngokuti ajina mahavo!
Mushambi yo mavhuta iri kuhwajihwa.
19 Ndinozocemera* komuri Jehovha,Ngokuti muriro wapisa mahavo ese o mubani,Murazvu yapisa muti yese yo musora.
20 Pikija zvinyama zvo musora zviri kumucemera,*Ngokuti murambo yavomaMuriro wapisa mahavo ese o mubani.”
Masoko o Pasi
^ Zvinoreva: “Jehovha Ndi Mwari.”
^ Kana: “murire.”
^ Kana: “mucece.”
^ Kana : “kurira.”
^ Kana: “kurira.”
^ Sevhadha, mushovo umweni wo mbeu yakatojana no tirigu.
^ Kana: “murire.”
^ Kana: “mucece.”
^ Gama ngo Gama: “mucemere.”
^ Kana: “jafuta.”
^ Kana: “foshoro javo.”
^ Kana: “zvigugu.”
^ Kana: “mucece javoma.”
^ Kana: “Ndinozoririra.”
^ Kana: “kumuririra.”