Joweri 3:1-21
3 “Vonanyi! mu njikujo no mukuwowo,Pandinozohwirija vandhu vakasungwa vo Judha no vo Jerusarema,
2 Ndinozounganija majinja ese pamwepoNdozoderera navo mu Bani ra Josafati.*
Ndinozovatongera kondhoyoKuti ndibesere vandhu vangu no ndhaka yangu Iziraeri,Ngokuti ivona vakavandhandhanisira kumajinja,Vokovanisana nyika yangu ngocavo.
3 Vakakhandirirana sorti kuti vatore vandhu vangu;Vaihura no hure, voipagari ngo cimufanaVaitengesa musikane kuti vapuwe vhinyu vamwe.
4 Imwimwi Tiro, Sidhoni no mutundhu yese yo Vafiristiya,Ndakamushaishirenyi?
Zviripo zvandakamuitira zvamuri kundihwirijira?
Kudari imwimwi muri kundihwirijira,Ndinozoita kuti zvamuri kundihwirijirari, zviwire panyezuru penyu ngo kukasika.
5 Ngokuti makatora sirivha yangu no goridhi rangu,Modira mu mathemberi enyu zviro zvangu zvo mutengo mukuru;
6 Imwimwi makatora vandhu vo Judha no vo Jerusarema, movatengesera Vagiriki,Kuti muvaendese ndhambo no ndharaundha javo;
7 Inini ndiri kuita kuti vahwirire kuvha kamakavatengesera,Inini ndinozomuitira zvamakavaitira.*
8 Vana venyu vorume no vokaji, ndinozovatengesera vandhu vo Judha,Ivona vanozovatengesera vandhu vo Shebha, jinja riri ndhambo.Ngokuti Jehovha wakazvinanga.
9 Zivisanyi izvi pakati po majinja:
‘Jinasirirenyi kuitira hondo! Vangisanyi vanarume vakavanga!
Masoca ese ngaakhwedererane phedo no phedo, iwona ngaahwe!
10 Pfuranyi sharuwa jenyu kuti jiite mapanga, pfuranyi sikeyo jenyu kuti jive mukhondo.*
Mundhu wakaremba ngaanange kudari: “Inini ndakavanga.”
11 Viyanyi mubesane umwe no umweni. Imwimwi majinja ari mumbhiripiri, ungananyi!’”
Jehovha, itanyi kuti vandhu venyu vano simba vaende* kondhoyo.
12 “Majinja ngaamuke aviye ku Bani ra Josafati;Ngokuti ndinozogara kondhoyo kuti nditonge majinja ese ari mumbhiripiri.
13 Nghwinisanyi sikeyo ngokuti mbeu jaivha.
Viyanyi, cikacikanyi ngokuti ndau yokusvinira vhinyu yakazara.
Ndau jokusvinira jiri kumwashaika, ngokuti zvishaishi zvo majinja zvawanda maningi.
14 Mu bani ro kutongwa, muno vandhu vakawanda maningi, vakawandisisa,Ngokuti njiku ya Jehovha yo kutonga vandhu mu bani rondhoro, yaaphedo.
15 Zuva no mweji, zvinozosvipa,Ndhondho, ajizomonikiri.
16 Jehovha anozobhonga ari mu Ziyoni,Anozodaninja ari mu Jerusarema.
Denga no nyika zvinozotetemera;Asi Jehovha anozova citiziro co vandhu vake,Wova mupfimbiji wo vandhu vake Vaiziraeri.
17 Imwimwi munozoziva kuti inini ndini Jehovha Mwari wenyu, anogara mu Ziyoni, dundhu rangu rakacena.
Jerusarema inozova ndau yakacena,Vonyikanja avazopindizve ndimona.
18 Mu njiku yondhoyo, matundhu anozodondha vhinyu inotapira,Zvimatundhu zvinozoderera mukaka.*Zvimurambo zvo Judha zvinozopopoma kumwa yakawanda.
Pa nyumba ya Jehovha panozobuda cinyuke,Icona cinozodirijira mu Bani ro Mumuti yo Mukesha.
19 Asi Ejipita inozoita mathere,Edhomi inozoita bani ricina ciro,Ngo ndava yo kuhwisa kwavakaita vandhu vo Judha,Veciuraya vandhu vacina ndava panyika.
20 Asi nyika yo Judha, inozova no vandhu mukuvo wese,Mu Jerusarema munozogahwa ngo mubarihwana yese.
21 Ndinozoregerera ndava yavainga navo yo sangi;Jehovha anozogara mu Ziyoni.”
Masoko o Pasi
^ Zvinoreva: “Jehovha Mutongi.”
^ Gama ngo Gama: “ndicaita kuti zviwire pamusoro penyu.”
^ Toranyi sharuwa jenyu muite ndijona mapanga, toranyizve sikeyo jenyu muite ndijona mukhondo.
^ Kana: “masoca enyu ano simba aende.”
^ Reti.
