Marakiya 4:1-6
4 “Izwanyi! Iri kuviya njiku inopisa inga coto. Vandhu vese vanozvikuja no vandhu vese vanoita zvakashata, vanozoita inga ushwa. “Njikuyo inozovauraya yozovasiya vacina muji no davi.” Izvi ndizvona zvinonanga Jehovha wo hondo.
2 Asi imwimwi munoreremejari zina rangu, zuva ro ururami rinozobwaka, recirapa ngo murazvu waro. Imwimwi munozophuka inga maburu* akapunda.”
3 Jehovha wo hondo anonanga kudari: “Imwimwi munozocika-cika vandhu vakashata, ngokuti ivona vanozoita inga bukuta pasi po soka jenyu, pa njiku yandinozoita kuti izvi zviitike.”
4 “Ceujanyi Mutemo wa Mosi mushandiri wangu, mupango no matongero andakamupa pa Horebhi kuti Vaiziraeri vese vauzwire.
5 “Izwanyi! Ndiri kumutumira Eriya muporofeti, njiku huru no inothyisa ya Jehovha icito yaguma.
6 Iyena anozoita kuti mwoyo yo majibaba ihwirire ku vana vavo, mwoyo yo vana ihwirire ku majibaba avo, kuti inini nditame kuviya ndoparaja nyika.”
Masoko o Pasi
^ Kana: “mathoyo.”
