Mazwi Akangwara 1:1-33
1 Mazwi akangwara a Soromona mwana wa Dhavhidhi, mambo wo Vaiziraeri nga aya:
2 Mazwi akangwara aya, ngaakupangire*Akuite mundhu wakangwara;
Iwona ngaakubesere kuzwisisa magama o uzivi;
3 Kuti uwane mbhangiro inokupekeja hwiru,Kururama, kunasa kuzwisisa shwiro no kuva wakagondeka;
4 Kuti apekeje ungwaru ku vandhu vacizivi kungwara;Nokupekeja majaha uzivi no kunasa kurangarira.
5 Mundhu wakangwara, anopurutana*Woenderera mberi ecijija;
Mundhu anonasa kuzwisisa,
Anowana ndhungamiriro jinovha ku mundhu wakangwara,
6 Kuti azwisise mazwi akangwaraNo masoko anonesa kuzwisisa;*
Masoko o vazivi no zvaanoreva.
7 Kuthya Jehovha, ndiona maambo* o uzivi
Mapenji basi, ndiwona anoshora uzivi no mbhangiro.
8 Mwana wangu, izwai mbhangiro ya baba wako,Ucaramba zvaunojijiswa ndi* mai wako.
9 Ngokuti iyona, yakaita inga korowa yakaseja* mu musoro mako,Inozosejesa mu musipa mako.
10 Mwana wangu, kudari vashaishi vakaeja kukucengeja,
Ucavatendera kuti vakucengeje
11 Kudari vakakuvhunja kuti: “Ngatende.
Ngatende koofindarira* vandhu kuti tivauraye.
Ngatigare takafindara, tecivetera mundhu acina ndava kuti tibungaije naye.
12 Ngativamije vari penye inga zvinoithwa ngo Guva,*Ngativamije vamutero inga vari kwenda murindi.
13 Ngativatorere upfumi hwavo hwese;Tizaje nyumba jedu ngo zviro zvatakavatorera.
14 Iwewe waidikana kwenda na itusu,Tinozokovana ngo mutengo wakaezana zvese zvatinozobaro.”
15 Ucadovatevera mwana wangu.
Soka jako ngajigare ndhambo no makwanja avo,
16 Soka javo jinogogoma kuti jiite zvakashata;Ivona vanokasikira maningi kuti vauraye.
17 Kunasa kunanga, azvibesi ciro kuteya shiri ngo maricera*
Kuveni iyona yakasota.
18 Ndizvona zvinovaitisa kuti vagare vakateya, kuti vauraye;Vagare vakafindara* kuti vauraye vamweni.
19 Izvo ndizvona zvinoithwa ngo vandhu vanoda kuganya ngo njira yakashata,Upfumi uhu, hunouraisa veno vaho.
20 Uzivi hwo cokwadi hunokhuwa mu zvitaka.*
Iwona unokhuwa ngo izwi guru mu bazari.
21 Iwona unokhuwa muzvikina no muzvitaka* zvakazara vandhu.
Mu musuvo jo mudhorobha*
Iwona unoti:
22 “Imwimwi mucinari uzivi, munozoramba uzivi mbhera rini?
Imwimwi vashori, munodakarira kushora mbhera rini?
Imwimwi mapenji, munozoenderera mberi mecinyenya uzivi mbhera rini?
23 Batisisanyi mbhangiro yangu.
Ndinozodurura mujimu wangu kuti umubesere;Ndinozomuita kuti muzive masoko angu.
24 Inini ndakadanija, asi imwimwi makaramba kuzvizwa,Ndakatambanuja nyara yangu kuti ndimubesere,
Asi imwimwi amuzivi kuzvitaja.*
25 Imwimwi amuzivi kutaja* mazano angu esePerapo makarambazve mbhangiro yangu.
26 Ngo ndava yazvo, ndinozomuseka kudari mukatambujika;Ndinozomushora kudari zvamunothyaya zvikaitika,
27 Kudari zvamunothyaya zvikamugumira inga dutu,*No matambujiko enyu akaguma inga cituturi,Pomwe no kugumihwa ngo zvineso no matambujiko.
28 Panguva yondhoyo ivona vanozondidanija,Asi inini andizodaviri;
Meso avo anozopsuka ngo kundipsaka,
Asi ivona avazondiwani,
29 Ngokuti ivona vakanyenya uzivi,Nee avacaidepi kuthya Jehovha.
30 Avazivi kutendera mazano angu;Ivona vakaramba mbhangiro yangu yese.
31 Ngo kudaro, ivona vanozotambujika ngo pamusoro po* zvishaishi zvavo.Vanozozvimbihwa ngo mazano avo.
32 Ngokuti kupandukira ko vandhu vacina uzivi, kunozovauraisa,Kutama kukaya-kaya ko mapenji, kunozovaita kuti vafe.
33 Asi mundhu anondipurutana,* anozogarisikaAnozogara murunyararo, acikathyi ciri cese.”
Masoko o Pasi
^ Kana: “ngaakujijise; ngaakutungamirire mu upenyu.”
^ Kana: “anopurukira.”
^ Kana: “masoko o kupoterera.”
^ Kana: “matangiro.”
^ Kana: “Ucadosiya mutemo wa.”
^ Kana: “yakanyara.”
^ Kana: “kovandira.”
^ Kana: “Sheori.” Kana kuti, kufa kunoita vandhu vese. Vonanyi Kudurujihwa ko Magama.
^ Kana: “mambure.”
^ Vakavanda.
^ Kana: “maruwa.”
^ Kana: “maruwa.”
^ Kana: “musidhadhi.”
^ Kana: “imwimwi makazvirerusa.”
^ Kana: “Imwimwi makarerusa.”
^ Kana: “zibepo; cinguru.”
^ Gama ngo Gama: “ngo kuha mucero wo.”
^ Kana: “anondipurukira.”
