Mazwi Akangwara 16:1-33
16 Mundhu, anonasirira murangariro uri mu mwoyo make,*Asi mupinguro wake,* unovha kuna Jehovha.
2 Mundhu, anorangarira kuti makwanja ake ese akanaka,*Asi Jehovha, anopopora zviri mu mwoyo.*
3 Thembai Jehovha mu zviro zvese zvaunoda kuita.Mazano ako ese anozobudirira.
4 Jehovha anoita kuti zvese zvishande mukuzwirana no kuda kwake,Pikija ku vandhu vakashata pa njiku yo matambujiko.
5 Vese vano mwoyo unojikuja, vanonyenywa ndi Jehovha.
Iva no cokwadi cokuti ivona vanozopangihwa.
6 Ngo rudo hucikacinji no kugondeka, zvakashata zvinopera.Ngo kuthya Jehovha, mundhu anogara ndhambo no zviro zvakashata.
7 Jehovha paanodakarira makwanja o mundhu,Iyena anoita kuti pikija no vavengi vake vave vano runyararo nae.
8 Zviri nane kuwana padoko ngo njira yakanaka,Kupinda kuwana zvakawanda ngo njira yakashata.
9 Mundhu angasana gwanja raanoda kufamba,Asi ndi Jehovha anotungamirira mudanyu jake.*
10 Muromo wo mutongi, unodikana kutonga ngo njira yakafemehwa.*Iyena aadikani kutonga ngo njira yakashata.
11 Mupimo wakanaka, unovha kuna Jehovha.Mapuwe ese okupima ndiwona, ari mu mukhwama, akaithwa ndiyena.
12 Maitiro akashata, anonyenywa ngo vatongi.Ngokuti utongi unovangiswa ngo zviro zvakanaka.
13 Masoko o vandhu vakanaka, anodakajisa vatongi.
Ivona vanoda mundhu anovereketa cokwadi.
14 Hasha ja mambo, jakaita inga ndhumwa yo rufu.Asi muzivi, anojinyaraja.
15 Kumeso ko mutongi kukavhenekehwa, izvo zvinopa upenyu.Unyasha hwake, hwakaita inga makwiti o nvhura pa nguva yokuna.
16 Zviri nane maningi kuwana uzivi kupinda goridhi.
No kuwana kuzwisisa kupinda sirivha.
17 Citaka* co mundhu wakanaka, cinombzenga zvakashata.
Asi mundhu anongwarira gwanja rake, anoponesa upenyu hwake.
18 Mundhu anojikuja acito akawa.Mundhu anova no mujimu wokujikukumuja, acito akhugunyika.
19 Zviri nane kuva mundhu anozvidodokesa, pakati po vandhu vakapfava.Kupinda kukovana upfumi* no vandhu vanojikuja.
20 Mundhu anokhombija kuzwisisa shwiro, anozobudirira.*Anodakara mundhu wiya anothemba Jehovha.
21 Mundhu ano mwoyo wakangwara, anozodanijwa kuti anozwisisa.Mundhu anovereketa zvakanaka, anozokhohwesa mundhu.
22 Hwiru hunopa upenyu vandhu vanahwo.Asi mapenji, anopangihwa ngo pamusoro po upenyu hwao kamare.
23 Mwoyo wakangwara, unopekeja hwiru muromo wo mundhu.Iwona, unoita kuti masoko ao aengejere kukhohwesa.
24 Masoko anodakajisa, akaita inga mabembhe o* uci.Anotapira no kurapa maphondo.*
25 Kuno gwanja rinovoneka inga rakanaka ku mundhu,Asi pakupejisira, rinoendesa ku rufu.
26 Kuda cokuha, kunoitisa kuti mushandi ashande ngo simba.Ngokuti njara, inomutuma kuti aende koshanda.
27 Mundhu wakashata, anovonesa kushata kwake.Masoko ake anoita inga muriro unobwaka.
28 Mundhu anopipana, anoitisa kuti vandhu vatame kuzwana.Mundhu anoreva, anoparajanisa shamwari.
29 Mundhu anohasha, anocengeja mudoni wake,Anomuendesa mu gwanja rakashata.
30 Iyena anocwanya* jiso kuti aite zvakashata.
Anodakara paanonga eciita zvakashata.
31 Invi, ikorowa yokukujwa,Kudari jikawanika ngo mundhu anofamba mu gwanja rakanaka.
32 Mundhu anononoka kunyangajwa, ari nane kupinda mundhu ano simba.Mundhu anojibata, ari nane kupinda mundhu anonyisa dhorobha.*
33 Vandhu vanovhunjisa Jehovha,Asi iyena* anovavhunja zvaasunga.
Masoko o Pasi
^ Gama ngo Gama: “Mazano o mwoyo ngo o mundhu.”
^ Kana: “mupinguro wo rurumi.”
^ Gama ngo Gama: “akacena.”
^ Kana: “zvinomundundira kuti aite zviri zvese.”
^ Kana: “madazo ake.”
^ Kana: “yo umwari.”
^ Kana: “Ruwa.”
^ Kana: “upfumi hwakatorehwa vamweni.”
^ Kana: “anozowana zvakanaka.”
^ Kana: “cikidi.”
^ Kana: “mwiha.” Vonanyi Kudurujihwa ko Magama pa gama rokuti “mwiha.”
^ Kana: “kuvhinya.”
^ Kana: “sidhadhi.”
^ Gama ngo Gama: “Vandhu vanokhandira sorti pamavero, asi Jehohva.” Vonanyi Kudurujihwa ko Magama pa gama rokuti “sorti.”
