Mazwi Akangwara 31:1-31
31 Masoko a Mambo Ramuweri. Masoko anosisira aakavhunjwa ndi mai wake pavaimupangira, nga aya:
2 Ndingakuvhunjenyi mwana wangu?Ndingakuvhunjenyi mwana wo ndani yangu?Ngozvapi zvandingakuvhunja, mwana wo mbhiko jangu?
3 Ucatendera kuti vanakaji vapeje simba rako,Nee audikani kutevera makwanja anopeja majimambo.
4 Ramuweri, izvo azvifaneri kuithwa ngo vatongi,Azvizivi kunaka kuti vatongi vamwe vhinyu,Nee azvizivi kunaka kuti majimambo anange kudari:
“Doro rangu riri kwapi?”
5 Kuti vatame kumwa vokanganwa mutemo wakanangwaVoramba kuita zvinosisira kuitihwa vakaderera.
6 Doro, ngaripuwe vandhu vari kufa,No kupa vhinyu vandhu vakavora* mwoyo.
7 Ivona ngavamwe vakanganwe urombo hwavo;Vatamezve kuceukija matambujiko avo.
8 Inikirai mbeveve;Inikirai vandhu vese vari kufa.
9 Vereketai wecivaimirira, wotonga ngo njira yakanaka.Inikirai vakaderera pomwe no varombo.
א [Arefi]
10 Ndiyani angawana mukaji wakanaka?
Mwanakaji uwu ano mutengo unopinda mapuwe o mutengo mukuru.
ב [Bheti]
11 Mwamuna wake anomuthemba ngo mwoyo wese.Iyena anovona zvese zvaanoita zvecisisira maningi kwaari.
ג [Gimeri]
12 Mu njiku jake jese,Iyena anopfupa mwamuna wake ngo zviro zvakanaka,
Kuciripi ngo zviro zvakashata.
ד [Dhareti]
13 Iyena anopsaka ukuse hwo* mavhuta no nguvo;Anodakarira maningi kushanda ngo nyara jake.
ה [He]
14 Iyena wakaita inga piketi yo vatengesi,Zvokuha zvake anovha nazvo ndhambo.
ו [Wau]
15 Iyena anofumirisazve comangwanani kucakasvipa,Wopekeja zvokuha vopamuzi pakeNo* varekhi vake.
ז [Zayini]
16 Iyena anorangarira kuva no munda, wotoutenga;Anosima muuvha ngo muviyo wo basa rake.*
ח [Heti]
17 Iyena anosunga mucihunu* kuti ashande ngo simba,Wovangisa mukono jake.
ט [Teti]
18 Iyena anovona kuti nyagoso yake iri kufamba ushoni;Iyena anoenderera mberi ecishanda mbhera usiku.*
י [Yodhi]
19 Iyena anobata cimuti ngo nyara jake woita ndicona ruji waanozoshandisa.כ [Kafi]
20 Iyena anotambanuja mukono wake ku mundhu wakaderera,Wotambanuja nyara yake ku murombo.
ל [Ramedhi]
21 Kudari kukawa cando, aakayakayi ngo mbhuri yake,Ngokuti iyona yakasimira nguvo jinojiya.*
מ [Memi]
22 Iyena anojiitira nguvo jo kuwaja* pa kama yake.*
Nguvo jake ngo jo ruji hwakaseja* no ukuse hwakapsukirikira.*
נ [Nuni]
23 Mwamuna wake anozivika maningi pa musuvo jo dhorobha,Paanonga akagara pakati po madhodha o munyikemo.
ס [Samekh]
24 Iyena anoita nguvo jo ruji hwakaseja,* ecitengesa,Anopekeja mabhande vatengesi.
ע [Ayini]
25 Iyena wakacunga, anoreremejwa ngo vamweni,Anosota kumbeji ecithemba.*
פ [Pe]
26 Iyena anofunungura muromo ngo uzivi;Unyasha* huri pa rurumi hwake.
צ [Tsadhe]
27 Iyena anovonerera mabasa o pamuzi pake,Nee aahi zviro zvo umbhwa.*
ק [Kofe]
28 Vana vake vanomuka, vomusimba;Mwamuna wake anomuka, wotomusimbavo.
ר [Reshi]
29 Kuno vanakaji vakawanda maningi vakanaka,Asi iwewe unopinda vanakaji vese.
ש [Shini]
30 Mavonekero o kunja, kangaije angatocengeja.Kuseja* kangaije kungatopera ngo kukasika,*
Asi mwanakaji anothya Jehovha, anozosimbhwa.
ת [Tawi]
31 Iyena ngaapfupwe ngo zvaanoita,Ngaasimbhwe ngo mabasa ake mu musuvo jo dhorobha.
Masoko o Pasi
^ Kana: “vakasvipa.”
^ Kana: “mandhenga o.”
^ Kangaije: “No kupekeja basa.”
^ Gama ngo Gama: “ngo mabasa o nyara jake.”
^ Vonanyi Kudurujihwa ko Magama.
^ Gama ngo Gama: “Cibani cake acijimi no usiku.”
^ Gama ngo Gama: “ivona vakairikija nguvo.”
^ Kana: “mandhenga akapsukirikira.”
^ Kana: “wakanyara.”
^ Kana: “pa mubhedhu wake.”
^ Kana: “kuyaja.”
^ Kana: “wakanyara.”
^ Kana: “Anoseka zvinozoitika mangwana.”
^ Gama ngo Gama: “Mutemo wo unyasha.” Kana: “Kujijisa ngo rudo; Mutemo wo rudo.”
^ Kana: “zvonungo.”
^ Kana: “kunyara.”
^ Kana: “kangaije akuna ciro.”
