Mazwi Akangwara 5:1-23
5 Mwana wangu, teyai njeve ku uzivi hwangu.
Nasai kuzwa ungwaru hwangu,
2 Kuti ujivirire murangariro wakoNo kungwarira uzivi ngo muromo wako.
3 Muromo wo mwanakaji acikajibati,* unodondha uci inga mabembhe,*Mukanwa make makapfava kuti setete kupinda mafuta.*
4 Asi pakupejisira, unovava inga muti unovava,Wakarojehwa inga banga rinotema mativi ese.
5 Soka jake jinowira mu rufu.
Mudanyo* jake jinomutora kwenda mu Guva.*
6 Iyena aataji* gwanja ro upenyu.
Anondombeya acikazivi kwaanoenda
7 Ngo kudaro, vana vangu, ndipurutanenyi,*Mucasiya zvandinomuvhunjari.
8 Garai ndhambo naye;Ucakhwedera pedo no muzi wake,
9 Ucapa vamweni kukujwa kwakoNee audikani kupa makore ako ku zviro zvakashata;
10 Kuti vandhu, vaucikazivi vatame kuha upfumi hwakoNo zviro zvawakashandira, zvitame kutohwa ngo vonyikanja.
11 Ukatama kuita kudaro,Iwewe unozogomera panopera upenyu hwako,
Nyama yako no muviri wako pazvinozofota,
12 Iwewe wozonanga kudari:
“Ngenyi ndainyenya kupangihwa?
Ngenyi mwoyo wangu wakareja-reja kupangihwa?
13 Andizivi kuzwa izwi ro vajijisi vangu.Nee andizivi kuteya njeve ku vandhu vaindijijisa.
14 Painga pasara padoko basi kuti ndingarangarePamberi po ungano yese.”
15 Imwai kumwa yo mwimbo wako*No kumwa inovhirira* mu mwimbo wako.
16 Ngenyi waizoda kuti mwimbo wako, upopomere muzvitaka?*Kumwa yako isvejekere makazara vandhu?
17 Izvona ngazvive zvako basi;Ucazvikovana no vandhu vaucikazivi.
18 Mwimbo* wako ngaukomborehwe,Dakarai ngo mukaji wo ujaha hwako,
19 Shoma inodiwa! Mbuji yo mu matundhu yakanaka!
Mazamu ake, ngaakudakajise mukuvo wese.
Rudo hwake, ngahukudakajise.
20 Waro mwana wangu,Ngenyi iwewe waizotendera kudakajiswa ngo mwanakaji acikajibati?*
Ngenyi waizotendera kukumbatira mazamu o mwanakaji anohura?*
21 Ngokuti makwanja o mundhu, ari pamberi pa Jehovha;Iyena anosotesesa makwanja ako ese.
22 Mundhu wakashata anobathwa ngo zvishaishi zvake,Anozosungwa ngo mapote o zvishaishi zvake,
23 Anozofa ngo kuramba kupangihwaAnozosvejeka ngo ndava yo upenji hwake hwakakura.
Masoko o Pasi
^ Gama ngo Gama: “acikaziviki.” Izvi zvinoreva mundhu ano mufambiro wakashata, acina ushamwari na Mwari.
^ Kana: “zvikidi.”
^ Kana: “azeite.”
^ Kana: “Madazo.”
^ Kana: “Sheori.” Kana kuti, kufa kunoita vandhu vese. Vonanyi Kudurujihwa ko Magama.
^ Kana: “anorerusa.”
^ Kana: “ndipurukirenyi.”
^ Dima; sime.
^ Kana: “inotondhorera.”
^ Kana: “mumakwanja.”
^ Sime; Dima.
^ Gama ngo Gama: “waucingazivi.” Izvi zvinoreva mundhu ano mufambiro wakashata, acina ushamwari na Mwari.
^ Gama ngo Gama: “mwanakaji wo munyikanja.” Izvi zvinoreva mundhu ano mufambiro wakashata, acina ushamwari na Mwari.
