Mikeya 5:1-15
5 “Wari iwewe uri kujiceka nyora,Iwewe mwana wokaji ari kuhwiswa;Itusu takatendenejwa.
Vanotaka mutongi wo Iziraeri pa dama ngo mushakwe.
2 Iwewe Bheterehema Efrata,Uri mudoko maningi, zvokuti aufaneri kuva pakati po zviuru zvo Judha,Mauri munozobuda mundhu anozoita mutongi mu Iziraeri,Maambo ake ngo okare maningi, o mukuvo wo kare-kare.
3 Ngo kudaro, iyena anozovasiyaMbhera mukuvo wa wiya anoda kubara kuti abare.
Vamweni vo hama jake jakasara vanozohwirira ku Iziraeri.
4 Iyena anozomuka ohavisa mavhuta ngo simba ra Jehovha,Ngo zina rino nduma ra Jehovha Mwari wake.
Vanozogara zvakanaka vacina cavanothya,Ngokuti ukuru hwake, unozozivikana mbhera kumagumo ko nyika.
5 Iyena anozoviisa runyararo.
Kudari mu Asiriya akanghwina mu nyika yedu ocika mupfimbiji yedu yakavanga,Itusu tinozomumusira vahavisi vanomwe, hina vatongi* vasere pakati po vandhu kuti vahwisane naye.
6 Ivona vanozohavisa nyika yo Asiriya ngo banga,Pamwepo no nyika ya Nimirodhi no ndau jayo.Mu Asiriya paanozonghwina mu nyika yedu ngo simba ocika-cika ndharaundha yedu, iyena anozotiponesa.
7 Vandhu va Jakobe vanonga vasaraVanozoita inga cando cinovha kuna Jehovha pakati po vandhu vazinji,Inga nvura inona maningi pa zviro zvinomeraVaya vacikasiyi vetero yavo mu nyara jo mundhuNee vacikaimiri vana vo vandhu.
8 Vandhu va Jakobe vanonga vasaraVanozoita inga mbhondoro iri pakati po zvinyama zvo mushango,*Vari pakati po majinja,Inga cimbhondoro ciri pakati po mushambi yo mavhuta,Cinopinda ceciruma no kucenga;Pacina anovaponesa.
9 Munozomusa nyara yenyu yohwisa vavengi venyu,Vavengi venyu vese vanozopera.”
10 Jehovha anonanga kudari: “Pa njiku yondhoyo,”“Ndinozopeja haci javo pakati penyu, ndinozophwanya ngoro* javo jo hondo.
11 Ndinozophwanya madhorobha ari mu nyika yenyuNdinozowisa ndau jenyu jese jakavanga.
12 Ndinozopeja uroi hwako,Akuzowaniki muiti wo masaramuso pakati pako.
13 Ndinozopeja zvithombe zvenyu zvakavezwa no njiki jenyu jakaceneswa,Amuzogwadamirizve zviro zvamakaita.
14 Ndinozovhita njiki* jako jakaceneswaNdinozophwanya madhorobha ako.
15 Ndakanyangajwa maningiNdinozohwirijira majinja acikazivi kuzwira.”
Masoko o Pasi
^ Kana: “vatungamiriri.”
^ Kana: “musora.”
^ Kana: “kareta.”
^ Vonanyi Kudurujihwa ko Magama.
