Mikeya 6:1-16
6 Ndapota, izwanyi zviri kunanga Jehovha.
Mukanyi munange ndava jenyu pamberi po matundhu,Zvimatundhu zvizwe izwi renyu.
2 Izwanyi matundhu, Jehovha ano shwiro,Imwimwi maambo akavanga o nyika,Ngokuti Jehovha ano shwiro yaari kuda kutonga vandhu vake;Anozotonga Iziraeri eciti:
3 “Vandhu vangu, ngozvapi zvondakamuiitira?
Ndakamunesesa kudini?
Nanganyi zvandakamuitira.
4 Inini ndakamuvhisa mu nyika yo Ejipita,Ndakamusujunura mu nyumba yo uranda;Ndakatumira pamberi penyu Mosi, Aroni na Mariyamu.
5 Vandhu vangu, ndapota, mucakanganwa zvakaitwa ndi Bharaki mambo wo Mowabhi,No zvakadavira Bharamu mwana wa Bheori.No zvakaitika kuvha ku Shitimi mbhera ku GirigariKuti muzive zviito zvo ururami zva Jehovha”
6 Ndinozoenda nenyi pamberi pa Jehovha?
Ndinozogwadamira Mwari wo kudenga ndinenyi?
Ndinozoenda pamberi pake ndino mupiro jokupiswa?Ndinozoenda no buru* rino gore rimwe?
7 Kureva kuti Jehovha anozodakara ngo zviuru zvo mavhuta,No mafuta akawanda maningi?
Ndingapa mwana wangu wo dangwe ngo ndava yo kupanduka kwangu?Ndinozopira mwana wangu umwe ega basi inga mupiro wokufukija cishaishi cangu?
8 Iwewe mundhu, Mwari wakakuvhunja kuti zvakanaka ngo zvapi.
Jehovha anoda kuti uitenyi?*
Basi uite zvakarurama, ude kugondeka,*Uve unozvidodokesa paunofamba na Mwari wako!
9 Izwi ra Jehovha riri kudaninjira ku vandhu vari mu dhorobha;Vaya vano zivo vanozothya zina rake.
Izwanyi kuvhuma ko mushakwe na wiya wakautuma.
10 Kureva kuti mu nyumbu yo nyumba yo mundhu wakashata, mucino upfumi wakashata?Mucino efa* inonyangaja Mwari here?
11 Ndingava mundhu acina ndava kuveni ndino bharansa rokunyepa,No borosa rinorema mapuwe okunyepa?
12 Vanarume varo vakapfuma vakazara ngo ugandanga,Vagari varo vanobhuya zvokunyepa;Rurumi hwavo hunonyepa.
13 “Ngo kudaro, inini ndinozokukhuvaza, ndozokusiya unocivonjeNdoita kuti usare ucina ciro ngo ndava yo zvishaishi zvako.
14 Iwewe unozoha, asi auzoguti;Mundani mako munozosara mucina ciro.
Iwewe unozoviga zviro zvako mu ndau yakangwaririka, asi auzozviponesi,Zviya zvaunozokwanisa kutora, ndinozozviparaja ngo banga.
15 Unozosima asi auzokotori.
Unozocika-cika maorivhe, asi auzoshandisi mafuta akona;Unozocika-cika uvha, asi auzomwi vhinyu yakona.
16 Imwimwi munoteveja mutemo wa Omiri no zviito zvese zvo ukama wa Ahabhi,Imwimwi munozwira mbhangiro javo.
Ngo kudaro, ndinozomuita kuti muve ciro cinothyisaVagari vo dhorobha renyu vanozoithwa ciro cokurijwa;Imwimwi munozoshohwa ngo majinja.”
Masoko o Pasi
^ Kana: “thoyo.”
^ Kana: “umuitire cinyi.”
^ Kana: “uve mundhu wakanaka, ugondeke mu rudo hwako.” Gama ngo Gama: “ude rudo hucikacinji.”
^ Vonanyi Masoko Okuengejera B14.
