Naumi 1:1-15
1 Masoko ngo pamusoro po Ninivhe: Bhuku ro civoniso ca Naumi* mu Erikoshi:
2 Jehovha ndi Mwari anoda kuti anamathwe iyena basi, iyena anohwirijira;Jehovha anohwirijira, iyena wakanasiririka kuti akhombije ushungu.
Jehovha anohwirijira vavengi vake,Woviga ushungu wake kuti ahwirijire vavengi vake.
3 Jehovha anononoka kunyangajwa. Iyena ano simba guru,Jehovha aaregeri kukhawisa vanofanera kukhawiswa.
Iyena anofamba mu mbhepo inoparaja no mu dutu,*Makore, ndiwona bukuta ro soka jake.
4 Iyena anotuka jombe, jombe rovoma;Iyena anoita kuti murambo jivome.
Bhashani na Kameri inofotaMafirori o Rebhanoni anofota.
5 Matundhu anotetemera ngo ndava yake,Zvimatundhu zvinonyunguruka.
Nyika inotetemera pamberi pake,Kubatanijavo vandhu vese vanogara mukati mayo.
6 Ndiyani angaima pamberi pake, iyena akacamwa?
Ndiyani angacungirira ushungu hwake hunobwaka?
Kunyangajwa kwake kunozoduruhwa inga muriro,Mapuwe anozophwanyika ngo ndava yake.
7 Jehovha wakanaka, iyena citiziro cakavanga pa njiku yo dambujiko.
Iyena aakanganwi* vaya vanopsaka kutizira kwaari.
8 Ecishandisa ndambi,* iyena anozoparaja kamare Ninivhe,*Cidima cinozotevera vavengi vake.
9 Pano zvamuri kurangarira kuti muhwisane na Jehovha here?
Iyena anozophwanya zviro zvese.
Dambujiko arizoviizve hwocipiri.
10 Ivona vakagara inga muzwa jakabatana,Inga vandhu vakarejera ngo doro;*Asi ivona vanozourawa inga maushwa hwakavoma.
11 Mauri, munozobuda mundhu ari kurangarira kuitira Jehovha zviro zvakashataAnopa mazano acikashandi.
12 Jehovha anonanga kudari:
“Pikija ivona vakavanga vowanda maningi, vanozourawa,Ivona avazovonekizve,
Inini ndakakutambuja,* asi andizokutambujizve.
13 Wari ndinozogura kanga yake, ndozokuvhisa,Ndinozodajura magaragajero* ako.
14 Jehovha wakananga izvi ngo pamusoro po Ninivhe,*‘Akuzovi no mubarihwana unozotora zina rako.
Ndinozophwanya-phwanya zvithombe zvakavezwa no zvithombe zvo utare zviri mu nyumba* yo zvimwari zvako.
Ndinozokuitira guva ngokuti iwewe uri cipserujo.’
15 Vonanyi mu matundhu, soka ja wiya ari kuviya no masoko akanaka,Wiya ari kuviisa runyararo.
Itai mabuso iwewe Judha, kwanirisai mbhiko jako,
Ngokuti wiya acikashandi, aazopindizve pakati pako.Iyena anozopejwa kamare.”
Masoko o Pasi
^ Zvinoreva: “Kunyaraja.”
^ Kana: “cinguru.”
^ Kana: “iyena anokorondha.”
^ Kana: “guwe.”
^ Gama ngo Gama: “pa ndauyo.”
^ Kana: “doro ro tirigu.”
^ Zvinoreva, Judha.
^ Kana “njema jako.”
^ Kana: “Asiriya.”
^ Kana: “themberi.”
