Naumi 2:1-13
2 Wiya anoita kuti vandhu vandhandhanike, ari kuviya kouri.
Ngwarirai mupfimbiji jo dhorobha.
Endererai mbheri wecirindira mu makwanja.
Jingwarirei, unganijai simba rako rese.
2 Jehovha acaita kuti Jakobe akujwe, inga zvaaitwa kare,Iyena acaita kuti Iziraeri ikujwe, inga zvoyaiithwa kare,Ngokuti vaphwanyi, vakaphwanya;Ivona vakaparaja no matavi avo mapsa.
3 Mukhondo yo vavengi vo Ninivhe yakapsuka,Masoca avo akasimira nguvo jakapsukirikira.
Pa njiku yo vanonasirira kuti vaende ku hondo,Ngoro* javo jo simbi jinomonikira inga muriroMukhondo yavo, inotendera kuita zvavanoda.
4 Ngoro* jo hondo jinogogoma inga mapenji muzvitaka.
Jinogogoma jecienda mudenga jeciwa basi mu mabazari.
Jinobwaka inga mwenje,* jinorazva inga mbheni.
5 Iyena anozodanija masoca ake ano simba.
Iwona anozowa paanonga eciendeyo.
Anozogogoma mbhera kumupfimbiji wo dhorobha;Iwona anozomujivirira.
6 Musuvo jo murambo jinozofununguhwa,Nyumba ya mambo inozophwanyiwa.
7 Masoko akanangwa nga aya: Dhorobha iri rakagarari inga vahosi, rinozosiiwa mitu,Rinozotohwa, varanda varo, vanozocema;
Ivona vanozocema* inga njiva, vecijitaka paditi.*
8 Mukuvo wese, Ninivhe yainga yakaita ndau inocerehwa kumwa,Asi wari vari kutiza.
“Imanyi! Imanyi!”
Asi apana anohwirira sure.
9 Ibanyi sirivha, ibanyi goridhi!
Upfumi hwarinahwo, auperi.
Irona rakazara ngo mukhaindi wese wo zviro zvakanaka.
10 Dhorobha rasara ricina ciro, zviro zvese zvatohwa, raphwanywa!
Mwoyo javo jiri kundhya-ndhya ngo kuthya. Makokovhi avo ari kutetemera, zvihunu* zvavo zviri kutemwa-temwa ngo kundhya-ndhya;Mu meso mavo makacamwa.
11 Riri kwapi bako ro mbhondoro, maihiraya zvimbhondoro,Maibuda mbhondoro no zvivana zvayo,Pacina mundhu anoithyisa?
12 Mbhondoro inoruma zvinyama zvakawanda kuitira vana vayoIyona inouraya zvinyama kuitira mbhondoro jokaji.
Iyona inozaja mabako ngo zvinyama,Mu mabako ayo munozara ngo zvinyama zvainoruma.
13 Jehovha wo hondo anonanga kudari: “Vonai! Ndiri kukuhwisa.”“Ndinozopisa ngoro* jako jo hondo,Banga rinozotema zvimbhondoro zvako.
Ndinozopeja kunyanga kwako pa nyika,Ndhumwa jako ajizozikizve.”
Masoko o Pasi
^ Kana: “Kareta.”
^ Kana: “Kareta.”
^ Kana: “mazenje; masasira.”
^ Kana: “vanozorira.”
^ Gama ngo Gama: “pa mwoyo.”
^ Vonanyi Kudurujihwa ko Magama.
^ Kana: “kareta.”
