Ndumbo ya Soromona 1:1-17
-
Ndumbo yakanakisisa kupinda ndumbo jese (1)
-
Musikane (2-7)
-
Mwana wokaji wo Jerusarema (8)
-
Mambo (9-11)
-
“Itusu tinozomuitira zvokusejesa zvo goridhi” (11)
-
-
Musikane (12-14)
-
“Mudiwa wangu wakaita inga cikhwama cinodihwa mafuta o mira anonuhira” (13)
-
-
Muhavisi (15)
-
“Iwewe wakaseja maningi, mudiwa wangu”
-
-
Musikane (16, 17)
-
“Iwewe wakaseja maningi, mudiwa wangu” (16)
-
1 Ndumbo yakanakisisa kupinda ndumbo jese ja Soromona.
2 “Ndibhejhariyi, ndibhejhariyi ngo muromo wako,Ngokuti magama ako o rudo, akanaka maningi kupinda vhinyu.
3 Kunuhira ko mafuta ako, kunodakajisa.
Zina rako, rakaita inga mafuta anonuhira aduruhwa.
Ndizvona zvinoitisa kuti vasikane vakude.
4 Nditorei tiyende tese, tigogome.
Mambo wandinghwinisa mukati mo nyumba jake!
Ngatidakare, ngatidakare maningi tiri tese.
Ngatikuje magama ako o rudo,
Ngokuti iwona akanaka maningi kupinda vhinyu.
Ndizvona zvinoitisa kuti vasikane vakude.
5 Vasikane vo Jerusarema vanemwi!Inini ndiri musikane wakasvipa asi ndakaseja*
Inga tende jo Kadhari no nguvo jo tende ya Soromona.
6 Mucagara mecindondisotesesa ngokuti inini ndakasvipa,Ngokuti ndakapsa maningi ngo zuva.
Vana va mai wangu vakanyangajwa ndini,Vakandituma kuti ndiende kongwarira munda wo muuvha,Kuveni nee andizivi kukwanisa kungwarira munda wangu wo muuvha.
7 Ndivhunjei iwewe wandinodari maningi,Unozoenda kohavisira kwapi mavhuta ako?Ngokwapi kwaunozoenda komazorojera zuva rikatanga kupisa?
Ngenyi ndaidikana kuva inga mwanakaji wakasimira nguvo jo rufu,Pakati po mavhuta o shamwari jako?”
8 “Nandi mwanakaji wakaseja* kupinda vese,Kudari ucikakuzivi, teverai ngo bhudhuyo,Torai mbuji jako, uende kojihavisira phedo no tende jo vahavisi.”
9 “Mudiwa wangu, inini ndinokuezanisa no haci yokaji yo ngoro* ja Faro.
10 Matama ako akaseja* maningi ngo zviro zvinosejesa,*Mu musipa mako makazara ngo usanga.
11 Itusu tinozomuitira zvokusejesa zvo goridhi,Zvakadondhojehwa sirivha.”
12 “Mambo paanonga akagara pa meza yake,Phurufume* yangu inobudisa kunuhira kwayo.
13 Kwandiri, mudiwa wangu wakaita inga cikhwama cinodihwa mafuta o mira anonuhira.Anopeja usiku hwese akavata pa diti rangu.
14 Kwandiri, mudiwa wangu wakaita inga citavi co maruva o hena,Pakati po munda wo muuvha wo Eni-gedhi.”
15 “Mudiwa wangu, iwewe wakaseja* maningi.
Wakaseja maningi, majiso ako akaita inga majiso o njiva.”
16 “Iwewe wakaseja* maningi mudiwa wangu, unodakajisa.
Kama yedu iri pakati po mafirori.
17 Njiki jo nyumba yedu, ngo jo muti wo sedhro,Hasha* jo nyumba yedu, ngo jo muti wo jhunipero.
Masoko o Pasi
^ Kana: “ndakanyara.”
^ Kana: “wakanyara.”
^ Kana: “kareta.”
^ Kana: “akanyara.”
^ Kangaije: “ngo vhuji rakarukwa.”
^ Gama ngo Gama: “Nardho.” Nardho mafuta anonuhira.
^ Kana: “wakanyara.”
^ Kana: “wakanyara.”
^ Kana: “Mbariro.”
