Ndumbo ya Soromona 2:1-17
2 “Inini ndiri firori ro* musora, riri mumbhiripiri mo jombe,Nditorivo firori haro riri* mubani.”
2 “Inga firori riri pakati po muzwa,Ndizvonavo zvakaita mudiwa wangu ari pakati po vasikane.”
3 “Inga muti wo masaa pakati po muti jo musora,Ndizvonavo zvakaita mudiwa wangu pakati po majaha.
Ndinoda kamare kugara mu munvuriri wawo,Mucero wawo unonaka mukanwa mangu.
4 Iyena wakandinghwinisa mu nyumba inoitihwa mabuso,*Vandhu vese vakakwanisa kuvona kamare kuti iyena anondida.
5 Ndipei uvha jakaomeswa no masaa,Kuti ndigute no kuvangiswa,Ngokuti ndiri kufa ngo rudo.
6 Mukono wake wo boshwe, uri panyezuru po musoro wangu,Mukono wake wo muho, wakandikumbatira.
7 Imwimwi vasikane vo Jerusarema, pikanyi ngo kuseja ko mbhwembhwe no shoma:Kuti amuzocunguji* no kumusa rudo kwandiri mbhera ihwona hude.
8 Ndiri kuzwa mudiwa wangu eciguma!
Uwoo, ari kuviya, ecikhwira matundhu no kuphuka zvimatundhu.
9 Mudiwa wangu, wakadari inga mbhwembhwe, inga cimwana co shoma.
Ari inoo, sure ko biravira redu,Ecisota ngo pa jhanera,Ecidongorira ngo mu zvibovo zvo jhanera.
10 Mudiwa wangu wandivhunja kudari:
‘Mukai mudiwa wangu,Mudiwa wangu wakaseja,* ngatende tese.
11 Vonai! Mukuvo wokuna nvura wapera.
Akucinazve nvura, iyona yapinda.
12 Muti jatanga kubuda maruva* mu nyika,Yakwana nguva yokujisavira,*Mundharaundha mwedu munozika kurira ko magovora.
13 Mucero jokutanga jo mafigo japsuka,Muuvha jobuda maruva*
Kozika kunuhira ko maruva ajo
Viyai mudiwa wangu wakaseja,* ngatende tese.
14 Nandi njiva yangu yakazororera mu mapako o mapuwe,No mu magomokomo o mapuwe,Nditenderei ndikuvone no kuzwa izwi rako.Ngokuti izwi rako rinodakajisa,
Kumeso kwako kwakaseja* maningi.’”
15 “Tibatirevo muhwe,Zvimuhwe zvidoko zviri kupeja muuvha,Ngokuti muuvha jedu jiri kubuda maruva.”*
16 “Mudiwa wangu ngo wangu, inini ndiri wake.
Iyena anohavisira pakati po mafirori o ririyo.
17 Mudiwa wangu, viyai ngo kukasikaKucito kwatanga kupeperera,Munvuriri ucito watanga kutiza
Inga mbhwembhwe no cimwana co shoma,
Zviri panyezuru po matundhu akaparajana.
Masoko o Pasi
^ Kana: “ro zinyanjani ro.”
^ Kana: “Nditorivo ririyo hayo iri.”
^ Gama ngo Gama: “nyumba yo vhinyu.”
^ Kana: “amuzocakanusi.”
^ Kana: “wakanyara.”
^ Kana: “jatanga kucena.”
^ Kana: “yokujitemerera.”
^ Kana: “Muuvha jocena.”
^ Kana: “wakanyara.”
^ Kana: “kwakanyara.”
^ Kana: “jiri kucena.”
