Ndumbo ya Soromona 4:1-16
4 “Mudiwa wangu, iwewe wakaseja* maningi.
Wakaseja maningi.
Majiso ako, akaita inga majiso o njiva mukati mojira rinovonekera.
Vhuji rako rakaita inga mushambi wo mbuji jiri kuvha pa dundhu ro Giriyadhi.
2 Meno ako, akaita inga mavhuta apera kugundhwa ukuse,*Iwona apera kusambijwa, ese akatojana.Apana na rimwe rinoruza cimwana caro.
3 Muromo wako, wakaita inga ruji hwokupsukirikira,Izwi rako rinodakajisa,
Matama ako, akaita inga mucero wo maromaa,Wacekwa ngo pakati, mukati mo jira rinovonekera rakafukija kumeso kwako.
4 Musipa wako wakaita inga cinyumba cokurindira* ca Dhavhidhi,Cakavakwa ngo mapuwe akandandaniswa.Panyezuru paco panopakaikwa 1.000 co muvhiko,Muvhiko jese jo zviradhondho jo masoca akavanga.
5 Mazamu ako, akaita inga zvivana zviviri zvo shoma,Manyambiri o mbhwembhwe ari kuhava pakati po mafirori o ririyo.”
6 “Kucito kwatanga kupeperera,Munvuriri ucito watanga kutiza,Ndinozoenda ku dundhu ro mira no zvimatundhu zvo oribhano.”
7 “Iwewe wakaseja* maningi mudiwa wangu,Apana cakashata kwauri.
8 Ngatibzuke tese kuvha pa dundhu ro Rebhanoni, murovohwi wangu.Ngatibzuke tese kuvha pa dundhu Rebhanoni.
Ngatibzuke kuvha pa dundhu ro Amana,*Kuvha panyezuru po dundhu ro Seniri,Panyezuru po dundhu ro Herimoni panofindarira* mbhondoro
Mu matundhu anofindarira makhamba.
9 Hambzaji yangu,* iwewe wakwanisa kuba mwoyo wangu, murovohwi wangu,Wakwanisa kuba mwoyo wangu ngo kundisota kamwe basi,Ngo kusota usanga umwe basi wo mudhariya.*
10 Hambzaji yangu,* magama ako o rudo akanaka maningi,
murovohwi wangu!Magama ako o rudo akanaka maningi kupinda vhinyu
Kunuhira ko phurufume yako, kunopinda mukhaindi wese hawo!
11 Murovohwi wangu, muromo wako unodondha uci unovha mumabembhe,
Panyezuru po rurumi hwako, pano uci no mukaka,*Kunuhira ko nguvo jako, kwakaita inga kunuhira ko Rebhanoni.
12 Hambzaji yangu,* iwewe uri mundhu wakafungwa, murovohwi wangu,Munda wakafungwa, cinyuke cakanamwa.
13 Mathobwe ako akaita* inga munda wo maromaaUno mucero jakadakaja jo hena no nardho,
14 Nardho no zviro zvakaita inga zinyanjani, karamo no kanera,Pamwepo no mukhaindi wese wo muti jo Rebhanoni no mira no arowe,Pamwepo no mukhaindi wese wo phurufume jaushoni.
15 Iwewe uri cinyuke ciri mu munda,Mwimbo uno* kumwa inotapira,
No zvimurambo zvinovha pa dundhu ro Rebhanoni.
16 Nandi mbhepo yo kanjikazi, mukai;Nandi mbhepo yo kakusi, nghwinai.
Nasai kupepera mumunda mangu,
Kuti kunuhira kwako kundhandhanike.”
“Mudiwa wangu, nghwinai mumunda wako,Ihai mucero jawo jese jaushoni.”
Masoko o Pasi
^ Kana: “wakanyara.”
^ Kana: “mandhenga.”
^ Kana: “inga cirindo.”
^ Kana: “wakanyara.”
^ Kana: “Anti-Rebhanoni.”
^ Kana: “panovandira.”
^ Kana: “Hama yangu yokaji.”
^ Kana: “”muzororo.”
^ Kana: “Hama yangu yokaji.”
^ Kana: “reti.”
^ Kana: “Hama yangu yokaji.”
^ Kangaije: “Ganda rako rakaita.”
^ Kana: “Sime rino; Dima rino.”
