Ndumbo ya Soromona 5:1-16
-
Muhavisi (1a)
-
Mwanakaji wo Jerusarema (1b)
-
‘Dhakwai ngo magama o rudo!’
-
-
Musikane (2-8)
-
Anonanga hope jake
-
-
Vana vokaji vo Jerusarema (9)
-
“Zvicinyi zvinoitisa kuti mudiwa wako ave anosisira maningi kupinda ari wese?”
-
-
Vasikane (10-16)
-
“Apana umweni wakaezana naye pakati po vanarume vanokwana kuita 10.000” (10)
-
5 “Hambzaji yangu,*Ndanghwina mu munda wangu, murovohwi wangu.
Ndakotora mira no bharsamo yangu.
Ndaha uci hwangu hwo mu mabembhe.Ndamwa vhinyu yangu no mukaka wangu.”*
“Ihanyi shamwari jangu!
Imwanyi mudhakwe ngo magama o rudo!”
2 “Inini ndakavata, asi mwoyo wangu auzivi.*
Ndiri kuzwa mudiwa wangu ecitaka musuvo ecinanga kuti!”
“Nandi hambzaji yangu!*Funungurai mudiwa wangu,
Njiva yangu icina cineso ciri cese!Ngokuti musoro wangu wakabira ngo cando,
Vhuji rangu robira ngo masuso o usiku.”
3 “‘Ndapera kuvhura nguvo yangu.
Ndoisimirazve?
Ndapera kuphoza* soka jangu.
Ndojisvipijazve?’
4 Mudiwa wangu, wakanghwinisa mukono ngo pabovo ro musuvo,Mwoyo wangu wotanga kundhyandhya ngo pamusoro pake.
5 Inini ndakamuka kuti ndifunungurire mudiwa wangu;Nyara jangu jaidondha mira, zvikunwe zvangu zvaidondha mafuta o mira,Pa cibato co musuvo.
6 Ndakafunungurira mudiwa wangu,Asi mudiwa wangu wainga apinda,
Andizivi kumukhandepozve.
Ndakasuruvara* maningi paakapinda.
Ndakamupsaka, asi andizivi kumuwana.
Ndakamudaninja, asi aazivi kundidavira.
7 Varindiri vaingwarira dhorobha vakandibata.
Ivona vakanditaka vondikhuvaza.
Vangwariri vo dhorobha vakanditorera jira rangu rinovonekera ro kufukija kumeso.
8 Imwimwi vasikane vo Jerusarema!
Kudari mukavona mudiwa wangu,Muvhunjenyi kuti ndiri kufa ngo rudo.
Pikanyi kuti munozomuvhunja.”
9 “Nandi mwanakaji wakaseja* kupinda vese,Zvicinyi zvinoitisa kuti mudiwa wako
Ave anosisira maningi kupinda ari wese?Zvicinyi zvinoitisa kuti mudiwa wako
Ave anosisira maningi kupinda ari wese,
Zvokuti ugumire pa kutiitisa mbhiko yakadari?”
10 “Mudiwa wangu wakaseja* no kupsuka;Apana umweni wakaezana naye pakati po vanarume vanokwana kuita 10.000.
11 Musoro wake igoridhi,
Goridhi rakanasirihwa!Vhuji rake rakaita inga masakani o mucindu,
Rosvipa inga magunguhwe.
12 Majiso ake, akaita inga njiva jiri phedo no kumwa inopopoma,Jecisamba mukaka,*Jecizorora mumbhiripiri mo gandhwa rakazara ngo kumwa.
13 Kumeso kwake, kwakaita inga mungari* wo muti unonuhira,Mutundhu jinosora rinonuhira.
Muromo wake, wakaita inga mafirori o ririyo,
Wecidondha mafuta o mira.
14 Nyara jake, jakaita inga tambori yo goridhi,
Yakadondhojehwa mapuwe o krizorito.
Ndani yake, yakaita inga yakanasirihwa ngo nyanga jo njou,
Yofukijwa ngo safira.
15 Makumbo ake, akaita inga njiki jo marimore
Jakagajikihwa pa cigajikiro co goridhi rakanasirihwa.
Kumeso kwake, kwakaita inga Rebhanoni,
Inga sedhro zvokuti apana anomupinda.
16 Muromo wake, unotapira basi,Zvese zvaanazvo zvinodakajisa.
Uwu ndiyena wandinoda, vana vo Jerusarema
Uwu ndiyena mudiwa wangu.”
Masoko o Pasi
^ Kana: “Hama yangu yokaji.”
^ Kana: “reti yangu.”
^ Kana: “wakamuka.”
^ Kana: “hama yangu yokaji.”
^ Kana: “kusamba.”
^ Kana: “Ndakacamwa.”
^ Kana: “wakanyara.”
^ Kana: “wakanyara.”
^ Kana: “reti.”
^ Kana: “mungare.”
