Ndumbo ya Soromona 6:1-13
6 “Nandi mwanakaji wakaseja pakati po vanakaji,Mudiwa wako ari kwapi?
Mudiwa wako waenda ngo kwapi?
Ngatimupsake tese.”
2 “Mudiwa wangu waenda ku munda wake,Ku mungari* jo bharsamoKuti ahavise mushambi mu munda jakaseja,*No kuvhisa mafirori o ririyo.
3 Inini ndiri wo mudiwa wangu,Mudiwa wangu ngo wangu.
Iyena anohavisira pakati po mafirori o ririyo.”
4 “Mudiwa wangu, iwewe wakaseja* maningi inga Tiza,*Kuseja inga Jerusarema,Unoshamaisa inga masoca akaungana kuti aende ku hondo.
5 Reesai majiso ako kwandiri,Ngokuti iwona anondipisa mwoyo.
Vhuji rako rakaezana no mushambi wo mbujiUri kuterera mumbhiripiri mo dundhu ro Giriyadhi.
6 Meno ako, akaita inga mavhuta apera kugundhwa ukuse*Iwona apera kusambijwa, ese akatojana.Apana na rimwe rinoruza cimwana caro.
7 Kumeso kwako mukati mo jira rinovonekera rokufukija kumeso,Kwakadari inga mucero wo romaa wacekwa ngo pakati.
8 Pangawanika 60 o vakaji va mamboNo 80 o shindiNo vasikane vacikaverengeki,
9 Asi umwe basi, injiva yangu icina pakaposeka.
Ndiyena ega basi wakabahwa ndi mai wake.
Ndiyena ega basi anodiwa nga wiya wakamubara.
Vasikane vanomuvona, vomusimba;Vakaji va mambo no shindi, vanomukuja.
10 ‘Ndiyani arikun’ganikiraro inga mambakueja,Wakaseja* inga mweji wakazara,Wakacena inga kubwaka ko zuva,Anoshamaisa inga masoca akaungana kuti aende ku hondo?’”
11 “Inini ndakaenda pa cau co* nogera*Kuti ndivone zvainga zvamera mubani,Kuti ndivone kuti muuvha wamera,No kuvonazve kuti muromaa wabudisa maruva.
12 Ndicito ndazviziva,Cido cangu cakanditora kuti ndikhwedere phedo po karu jo vandhu vakakhupuka.”
13 “Viyai, viyai, nandi Musurami!
Viyai, viyai, kuti tikuvone!”“Ngenyi imwimwi munoshamaiswa ngo kusota Musurami?”
“Iyena wakaita inga zvikwata zviviri zviri kutamba!”
Masoko o Pasi
^ Kana: “mungare.”
^ Kana: “jakanyara.”
^ Kana: “wakanyara.”
^ Kana: “dhoroba rinodakajisa.”
^ Kana: “mandhenga.”
^ Kana: “Wakanyara.”
^ Kana: “munda wo.”
^ Uwu wainga muti waiwanika ku Iziraeri.
