Ndumbo ya Soromona 7:1-13
7 “Soka jako jakaseja maningi mu sandariya,*Iwewe musikane anoreremejwa!
Maumbihwe akaithwa mutezo jako,Akaita inga zviro zvokusejesa,*
Zvakaithwa ngo mundhu anokwanisa kuita zviro zvokusejesa.
2 Cikunvhu cako cakaita inga kopo yakaita ciradhondo.
Unogara wakazara ngo vhinyu yakanasirihwa.
Ndani yako, yakaita inga mututu wo tirigu,Wakatendenejwa ngo mafirori o ririyo.
3 Mazamu ako, akaita inga zvivana zviviri zvo shoma;Manyambiri o mbhwembhwe.
4 Musipa wako, wakaita inga cinyumba cokurindira* cakavakwa ngo nyanga jo njou.
Majiso ako, akaita inga kumwa yo Heshibhoni,Phedo no musuvo wo Bhati-rabhimi.
Miro yako, yakaita inga cinyumba cokurindira* co Rebhanoni,Cakasota ku Dhamasko.
5 Musoro wako, wakaita inga wo dundhu ro Kameri,Vhuji rako, rakaita inga ruji hwokupsukirikira.
Mambo anotohwa mwoyo ngo kureba ko vhuji rako.
6 Mudiwa wangu, iwewe wakaseja* maningi,Iwewe unopinda zviro zvese zvinonaka!
7 Ciimo cako, cakaita inga mucindu,Mazamu ako, akaita inga zvicanja zvo njindu.
8 Inini ndakananga kudari: ‘Ndinozokhwira mu mucinduNdobata mucero jawo.’
Mazamu ako, ngaaite inga zvicanja zvo uvhaMukanwa mako monuhira inga phurufume* yo masaa,
9 Muromo wako, ngauite inga vhinyu yakanaka maningi.”
“Iyona inoderera padoko-padoko yecienda ku mudiwa wangu,Yecinasa kupopoma padoko-padoko ngo panyezuru po muromo yo vakavata.
10 Inini ndiri wo mudiwa wangu,Ndini waanoda.
11 Viyai mudiwa wangu,Ngatende kunja;Ngatende ko gara pakati po mapfiba* o hena.
12 Ngatimukise tiyende koovona cau co* muuvhaKuti tiyende koovona dangani muuvha jabudisa maruva*Kuti tivone dangani maruvewo afununguka kana kuti haiwa.Ngatende koovonazve dangani muromaa watangavo kubudisa maruva*
Kondhono ndinozokuvhunja rudo hwandinahwo kwauri.
13 Mandragora anobudisa munuhi wawo;Musuvo jedu jakazara ngo mushovo wese wo mucero jakanaka.
Mucero jokare no mucero jawari,Mudiwa wangu, inini ndakuvigira mucero iji.
Masoko o Pasi
^ Kana: “magwada.”
^ Kana: “zvokunyarisa.”
^ Kana: “inga cirindo.”
^ Kana: “cirindo.”
^ Kana: “wakanyara.”
^ Kana: “mafuta anonuhira.”
^ Kana: “mafusi.”
^ Kana: “munda wo.”
^ Kana: “muuvha jacena.”
^ Kana: “watangavo kucena.”
