Ndumbo yo Ciriro 5:1-22
5 Nandi Jehovha, mucakanganwa zvakatiitikira.
Sotanyi muvone kupserujwa kwedu.
2 Ndhaka yedu yakapekejwa vaticikazivi,Nyumba jedu jopekejwa vonyikanja.
3 Itusu takafihwa ngo majibaba,Majimai edu ova inga noni.
4 Kuti timwe kumwa yedu tinodikana kuipagari,Nee huni jedu tinodikana kujitenga.
5 Vanotiteverera, vari phedo na itusu;Taremba nee atizorori.
6 Takathemba Ejipita no Asiriya kuti tikwanise kuwana zvokuha zvinokwana.
7 Majicekuru edu akashaishaya, apera kufa,Asi itusu tinodikana kupagari ngo zvishaishi zvavo.
8 Asi wari, itusu tiri kutongwa ngo vashandiri vedu,Akuna mundhu anokwanisa kutiponesa mu nyara javo.
9 Ngo ndava yo banga riri mubani,Takadira upenyu hwedu pa ngoziKuti tikwanise kuwana zvokuha.
10 Ganda* redu ririkupisa inga coto,Ngo pamusoro po kurumwa ngo njara.
11 Vanakaji vari mu Ziyoni, vakapserujwa,*Kubatanijavo no mbhandwe jo mudhorobha ro Judha.
12 Vatungamiriri, vakapakaikwa ngo nyara javo,Vakuru, avazivi kureremejwa.
13 Majaha, ari kuthwara gwiyo,Vafana vecithethereka vakathwara huni.
14 Pa musuvo wo dhorobha, apacinazve vakuru;Majaha aacarijizve mumbo jawo.
15 Aticinazve mudakaro mu mwoyo jedu;Mutambo jedu jacinja jova jo ciriro.
16 Korowa yambhwera pamusoro jedu.
Idambujiko kwatiri, ngokuti takashaisha!
17 Mwoyo jedu jiri kuhwaja ngo pamusoro po zviro izvi,Majiso edu aremba ngo ndava yo zviro izvi,
18 Wari muhwe jotofambavo mu Dundhu ro Ziyoni ngokuti irona raamathere.
19 Asi imwimwi, Jehovha,Imwimwi munogara pa cigaro cenyu kwenda no kwenda.
Cigaro cenyu cinogara ciripo ku mubarihwana yese.
20 Ngenyi munotikanganwa kwenda no kwenda no kutisiya ko nguva yakareba?
21 Nandi Jehovha, tiviisenyizve kwamuri,Itusu tinozoviya.
Zviro zvese ngazviite inga zvokare zviya.
22 Asi imwimwi mazotirambadi kamare.
Mogara makandoticamwira.
