Nduyo 103:1-22
Nduyo ya Dhavhidhi.
103 Upenyu hwangu ngahusimbe Jehovha;Mativi ese o muviri wangu, ngaasimbe zina renyu rakacena.
2 Upenyu hwangu ngahusimbe Jehovha;Andidi kukanganwa zviro zvese zvaakaita.
3 Iyena anoregerera kuposa kwako kweseNo kurapa ndhendha jako jese;
4 Iyena anoponesa upenyu hwangu mu rufu,*Wondikhombijira rudo hwake no usizi hwake.
5 Iyena anokugutisa ngo zviro zvakanaka mu upenyu hwako hwese,Ngo kudaro, unozoenderera mberi uri mujaha ano simba inga hokotora.
6 Jehovha anoita zviro zvakarungama no zvakarurama,Kuti abese vandhu vese vari kuneswa.
7 Iyena wakazivisa Mosi makwanja ake,Wozivisa zviito zvake ku vana vo Iziraeri.
8 Jehovha ano usizi no unyasha,Anononoka kunyangajwa, wakazara ngo rudo hucikacinji.
9 Iyena aazogari no zvishaishi zvedu mu murangariro make kwenda no kwenda,Nee aazogari akatinyangajwira mukuvo wese.
10 Iyena aatitaji mukuzwirana no zvishaishi zvedu,Nee aatihwirijiri zvatinofanera ngo ndava yo kuposa kwedu.
11 Ngokuti kudari kumatenga kwakakhwirira kupinda pasi pano,Ndikona kukura kwakaita rudo hwake hucikacinji ku vaya vanomuthya.
12 Inga kumavhazuva kuri ndhambo no kumavirira,Ngo kudaro, iyena anodira ndhambo na itusu zvishaishi zvedu.
13 Inga baba vanoitira usizi vana vavo,Jehovha anoitiravo usizi vaya vanomuthya.
14 Ngokuti iyena anonasa kuziva masikire aakatiita,Iyena anoceukija kuti itusu tiri bukuta.
15 Njiku jo mundhu jakaezana no sora,Iyena anotumbuka inga mafirori o mu munda.
16 Mbhepo painovhunguza,Irona rinongara-ngara, roita inga ricizivi kumbovepozve,*
17 Asi rudo hucikacinji hwa Jehovha ngo wo kwenda no kwendaKu vaya vanomuthya.Ururami wake unogara kwenda no kwenda ku vana mbhera ku vana vavo,
18 Unogara kwenda no kwenda ku vaya vanoenderera mberi vecingwarira citenderano,Na vaya vanoenderera mberi vecizwira mutemo yake.
19 Jehovha wakavangisa cigaro cake co umambo kumatenga;Umambo hwake unotonga zviro zvese.
20 Simbanyi Jehovha, imwimwi ngirozi jake jakavanga no jino simba,Jinozwira izwi rake, jinoita zvaanonanga.
21 Simbanyi Jehovha, imwimwi masoca ake ese,Vashandiri vake vanoita kuda kwake.
22 Simbanyi Jehovha, imwimwi mabasa ake ese,Mu ndau jake jese jaanotonga.
Upenyu hwangu hwese ngahusimbe Jehovha.
