Nduyo 109:1-31
Ku mutungamiriri. Nduyo ya Dhavhidhi.
109 Mwari wangu wandinosimba, mucaenderera mberi makanyarara.
2 Ngokuti vandhu vanoita zvakashata no vacengeji, vanofunungura muromo kuti vabhuye zvakashata ngo pamusoro pangu.
Ivona vanondinyepera.
3 Ivona vanonditendeneja ngo masoko akashata,No kundihwisa pacina mathangwe.
4 Pandinokhombija rudo, ivona vanondiphikiza;Asi inini ndinoenderera mberi ndeciita mukumbiro.
5 Inini ndinoita zvakanaka, asi ivona vanondihwirijira ngo zvakashataInini ndinovakhombijira rudo, asi ivona vanondizonda.
6 Iyena ngaatongwe ngo mundhu anoita zvakashata;Muphikizi* ngaagare ku mukono wake wo muho.
7 Paanotongwa ngaavoniwe kuti ano ndava;Pikija mukumbiro jake jaanoita ngajivoniwe inga cishaishi.
8 Njiku jo upenyu hwake ngajive shoma;Mundhu umweni ngaatore basa rake ro kuvonerera.
9 Vana vake ngavave ndherera,*Mukaji wake ngaave noni.
10 Vana vake ngavaherereke inga vandhu vanopembha,Ivona ngavabude mu nyumba javo jakaphwanyiwa kuti vaende kopsaka zvokuha.
11 Wiya wakamufiyarisi, ngaatore zviro zvake zvese zvaanazvo.Vandhu vaacikazivi, ngavatore zviro zvake.
12 Apavhiri kuvoneka mundhu anomutaja ngo rudo hucikacinji,Apavhiri kuvoneka mundhu anokhombijira unyasha vana vake vacina baba.
13 Mubarihwana wake ngauparajwe,Zina rawo ngaripfujuhwe pakati po mubarihwana.
14 Jehovha ngaaceukije kuposa ko majicekuru ake,Ngaatame kupfujura cishaishi ca mai wake.
15 Jehovha ngaenderere mberi eciceukija zvishaishi zvavakaita;Mazina avo ngaakanganike pa nyika.
16 Ngokuti mwanarume uwu wakakanganwa kukhombija rudo hucikacinji,Asi waiteverera mundhu anoneswa, murombo no mundhu ari kutambujikaKuti amuuraye.
17 Iyena waidakarira maningi kutuka, asi ndiyena wakazotukwa;Aacaidakarirepi kukomborera, asi ndiyena acizivi kukomborehwa.
18 Iyena wakasimira kutuka inga nguvo.
Kutukeko kwakanghwina mu muviri wake inga kumwa,Konghwina mu maphondo* ake inga mafuta.
19 Kutuka kwake ngakuite inga nguvo yaanofukaInga bhande raanosunga mukuvo wese.
20 Uwu ndiwona mupocero wa Jehovha waanopa mundhu wiya anondihwisaNo ku vandhu vaya vanobhuya zviro zvakashata ngo pamusoro pangu.
21 Asi imwimwi Jehovha Mwari wangu, Mambo Mukuru-kuru,Ndiitirenyi zvakanaka ngo ndava yo zina renyu.
Ndiponesenyi ngokuti rudo hwenyu hucikacinji hwakanaka.
22 Ngokuti inini ndiri murombo, andina mubeseri,Mwoyo wangu wakhuvazwa.
23 Inini ndiri kufa inga munvuriri unongara-ngara;Ndakakhandihwa ndhambo inga ndere.
24 Makokovhi angu apera simba ngo ndava yo kuzira;Muviri wangu wavonda, inini ndiri kupera.*
25 Inini ndava mundhu wavanoseka.
Pavanondivona, vanojunguja musoro.
26 Jehovha Mwari wangu, ndibesenyi;Ndiponesenyi ngo ndava yo rudo hwenyu hucikacinji.
27 Ivona ngavazive kuti izvi zviri kuithwa ngo nyara yenyu;Ngavazive kuti imwimwi Jehovha, ndimwi makazviita.
28 Vasiyenyi vandituke, asi imwimwi ndikomborerenyi.
Pavanomuka kuti vandihwise, ngavapseruke,Asi mushandiri wenyu ngaadakare.
29 Vaya vanondizonda ngavapseruke;Ngavafukijwe ngo nyowa vaite inga vafukijwa ngo nguvo.*
30 Muromo wangu unozosimba maningi Jehovha;Inini ndinozomusimba pamberi po vandhu vazinji.
31 Ngokuti iyena ari ku divi ro mukono wo muho wo muromboKuti amuponese ku vandhu vaya vanoda kumutongera rufu.
Masoko o Pasi
^ Kana: “Mupumbhi.”
^ Kana: “vana vakafihwa ndi baba.”
^ Vonanyi Kudurujihwa ko Magama.
^ Gama ngo Gama: “Muviri wangu wavonda, andizivizve kupunda.”
^ Kana: “nguvo icina mukono.”
