Nduyo 11:1-7
Ku mutungamiriri. Nduyo ya Dhavhidhi.
11 Inini ndinotizira kuna Jehovha.
Waro ngenyi munondivhunja kuti:
“Tizirai ku dundhu inga shiri!
2 Vonanyi manera ovanonasirira vashati uta wavo;Ivona vanonasirira mupasha, voupaka pa uta,Kuti vafure vaya vano mwoyo yakarungama pacidima.
3 Vandhu vakatama kuzwira mutemo,Mundhu akarungama angaitenyi?”
4 Jehovha ari muthemberi yake yakacena.
Cigaro co umambo ca Jehovha ciri kumatenga.
Majiso ake anosota. Majiso ake anonasa kusotesesa vana vo mundhu.
5 Jehovha anovona vandhu vakarungama no vandhu vanoita zvakashata;Iyena anonyenya vandhu vanodakarira kushandisa simba ravo kuti vaite zvakashata.*
6 Iyena anozoteya vandhu vanoita zvakashata ngo murau;*Muriro, enshofre no mbhepo ino fuhi rinopisa, ndizvona zvavanozoashira.
7 Ngokuti Jehovha wakarungama; iyena anoda zviro zvakarurama.
Vaya vakarungama vanozotendehwa ndiyena.*
Masoko o Pasi
^ Kana: “vaite ugevenga, uphanga.”
^ Gama ngo Gama : “anozonisira vashati murau.”
^ Kana: “vanozovona kumeso kwake.”
