Nduyo 112:1-10
112 Simbanyi Jehovha!*
א [Arefi]
Anodakara ndi wiya anothya Jehovha,ב [Bheti]Wiya anodakarira mupango yake
ג [Gimeril]
2 Vana vake vanozova no simba pa nyika,ד [Dhareti]Mubarihwana wo vandhu vakarungama unozokomborehwa.
ה [He]
3 Mu nyumba yake muno upfumi no zviro zvakawanda,ו [Wau]Ururami hwake hunogara kwenda no kwenda.
ז [Zayini]
4 Ku vandhu vaya vakarurama, iyena anomonikira inga ruvheneko pa cidima.
ח [Heti]
Iyena ano unyasha, usizi no ururami.
ט [Teti]
5 Anodakara nga wiya anofiyarisi ngo mwoyo wake wese.
י [Yodhi]
Iyena anoita zviro zvake ngo ururami.
כ [Kafi]
6 Iyena narini aazozungunyiswi.
ל [Ramedhi]
Mundhu wakarurama anozoceukijwa kwenda no kwenda.
מ [Memi]
7 Iyena aathyi masoko akashata.
נ [Nuni]
Mwoyo wake wakagondeka, ngokuti iyena anothemba Jehovha.
ס [Sameki]
8 Mwoyo wake wakagondeka, iyena aathyi;ע [Ayini]Pakupejisira iyena anozovona kunyiswa ko vavengi vake.
פ [Pe]
9 Iyena anokovanisa ngo mwoyo wake wese, anopa varombo.
צ [Tsadhe]
Ururami hwake hunogara kwenda no kwenda.
ק [Kofi]
Iyena anozova no simba, vandhu vese vanozomukuja.
ר [Reshi]
10 Mundhu wiya anoita zviro zvakashata, anozovona zviro izvi wohwajihwa.
ש [Shini]
Iyena anozopera simba, tevere wofa.
ת [Tawi]
Zvido zvo vandhu vanoita zvakashata zvinozopera.
Masoko o Pasi
^ Kana: “Areruya!” Kana: “Jah.” Uku ikugurisihwa ko zina ra Jehovha.
