Nduyo 114:1-8
114 Vaiziraeri pavakabuda mu Ejipita,Nyumba ya Jakobe yobuda pakati po vandhu vanovereketa ndumi imweni,
2 Judha yakava ndau yake yakacena,Iziraeri yakava nyika yake yaaitonga.
3 Jombe rakazvivona rotiza;Jordhani rakahwirira sure.
4 Matundhu akaphuka inga mavhuta,Zvimatundhu zvakaphuka inga zvimavhuta.
5 Iwewe jombe, cicinyi cakakuitisa kuti utize?
Iwewe Jordhani, ngenyi wakahwirira sure?
6 Imwimwi matundhu, ngenyi makaphuka inga mavhuta?Imwimwi zvimatundhu, ngenyi makaphuka inga zvimavhuta?
7 Iwewe nyika, tetemerai ngo ndava ya Mambo,Tetemerai ngo ndava ya Mwari wa Jakobe.
8 Wiya anocinja buwe, rova gandhwa rakazara ngo njanga,Ocinja zibuwe, roita ndau inobuda kumwa inopopoma.
