Nduyo 130:1-8

  • “Ndinomukhuwira pandinonga ndiri mu ndau jakajika maningi”

    • ‘Kudari nomaigara mecisotesesa kuposa’ (3)

    • Kuregerera ko cokwadi kuna Jehovha (4)

    • “Ndinoimira Jehovha ngo cidaka-daka cangu cese” (6)

Ndumbo yo Kukhwira ku Dhorobha. 130  Jehovha Mwari wangu, ndinomukhuwira pandinonga ndiri mu ndau jakajika maningi.  2  Jehovha Mwari wangu, izwanyi izwi rangu. Nasanyi kuteya njeve kuti muzwe kudeketera kwandiri kumuitira kuti mundibese.  3  Jehovha* Mwari wangu, kudari nomaigara mecisotesesa kuposa ko mundhu,Ndiyani waizokwanisa kuima pamberi penyu imwimwi Jehovha?  4  Ngokuti kuregerera ko cokwadi kuna imwimwi,Kuti vandhu vamureremeje.*  5  Ndinovetera Jehovha, ndinomuvetera ngo upenyu hwangu hwese;Inini ndinoimira soko rake.  6  Ndinoimira Jehovha ngo cidaka-daka cangu cese,Kupinda varindiri vanoimira kuti kunja kueje,Hina, kupinda varindiri vanoimira kuti kunja kueje.  7  Iziraeri ngaienderere mberi yeciimira Jehovha,Ngokuti Jehovha ano rudo hucikacinji,Iyena ano simba guru rokuponesa.  8  Iyena anozoregerera Iziraeri no kuposa kwayo kwese kwayakaita.

Masoko o Pasi

^ Kana: “Jah!” Uku ikugurisihwa ko zina ra Jehovha.
^ Gama ngo Gama: “vamuthye.”
TRADUÇÃO DO NOVO MUNDO DAS ESCRITURAS SAGRADAS
Nduyo 130
Cindau
Verenganyi Bhaibheri mu Interneti
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt