Nduyo 25:1-22
Nduyo ya Dhavhidhi
א [Arefi]
25 Ngo mukumbiro, ndiri kumupa upenyu hwangu imwimwi Jehovha.
ב [Bheti]
2 Mwari wangu, ndinothemba imwimwi;Mucaita kuti inini ndinyowejwe.
Mucaita kuti vavengi vangu vadakare ngo matambujiko angu.
ג [Gimeri]
3 Kunasa kunanga, apana anovetera imwimwi, anozonyowejwa.Vacengeji vanozonyowejwa.
ד [Dhareti]
4 Imwimwi Jehovha, itanyi kuti ndizive makwanja enyu;Ndijijisenyi makwanja enyu.
ה [He]
5 Ndiitenyi kuti ndifambe mu cokwadi, no kundijijisa,Ngokuti imwimwi muri Mwari wo ruponeso wangu.
ו [Wau]
Ndinomuthemba njiku jese.
ז [Zaine]
6 Jehovha mucakanganwa kuti imwimwi muri Mwari ano usizi,Ngokuti mukuvo wese munokhombija rudo hwenyu hucikacinji ku vandhu venyu.
ח [Heti]
7 Jehovha kanganwanyi zviishaishi zvandakaita ndiciri mwana mudoko no kuposa kwangu.
Ndiceukijenyi mukuzwirana no rudo hwenyu hucikacinji,Ngo ndava yo unaki hwenyu.
ט [Teti]
8 Jehovha wakanaka no kurungama.
Ngo kudaro, iyena anojijisa vashaishi gwanja ro vanofanera kufamba ndirona.
י [Yodhi]
9 Iyena anozotungamirira vandhu vakapfava kuti vaite zvakanaka,Anozojijisa vandhu vakapfava gwanja rake.
כ [Kafi]
10 Makwanja ese a Jehovha anokhombija kuti iyena ano rudo hucikacinji no kugondekaKu vandhu vaya vanongwarira citenderano cake no matongero ake.
ל [Ramedhi]
11 Jehovha, ngo ndava yo zina renyu,Regereranyi kuposa kwangu, pikija kwakakura.
מ [Memi]
12 Ndiyani anothya Jehovha?
Iyena anozomujijisa ngo pamusoro po gwanja raanodikana kukheta.
נ [Nuni]
13 Iyena anozobusa zviro zvakanaka zvinovha kuna Mwari,Vana vake vanozova veno vo nyika.
ס [Sameki]
14 Vaya vanothya Jehovha, ndivona vanoita shamwari jake jo phedo,Iyena anoita kuti vazive citenderano cake.
ע [Aini]
15 Majiso angu anoenderera mberi akasota Jehovha,Ngokuti iyena anozosujunura soka jangu jakasungwa ngo murau.*
פ [Pe]
16 Ndisotenyi mundiitire unyasha,Ngokuti ndiri ndega ndicina anondibesa.
צ [Tsadhe]
17 Matambujiko o mwoyo wangu awanda;Ndiponesenyi pa bonezi rangu.
ר [Reshi]
18 Vonanyi kuhwajihwa kwangu no kutambujika kwangu,Regereranyi zvishaishi zvangu zvese.
19 Vonanyi mawandire akaita vavengi vanguIvona vari kundizonda vecindipsanga kuti vandikhuvaze.
ש [Shini]
20 Ngwariranyi upenyu wangu mundiponese.
Mucandisiya ndecipserujwa, ngokuti inini ndakatizira komuri.
ת [Tawi]
21 Kugondeka kwangu no urungami hwangu, ngazvindingwarire,Ngokuti vetero yangu ina imwimwi.
22 Imwimwi Mwari wangu, ponesanyi Vaiziraeri mu matambujiko avo ese.
Masoko o Pasi
^ Gama ngo Gama: “ngo cimaricera.”
