Nduyo 29:1-11
Nduyo ya Dhavhidhi.
29 Ipanyi Jehovha zvaanofanera, imwimwi vana vo vandhu vanosimba,Ipanyi Jehovha zvaanofanera ngo ndava yo rukujo hwake no simba rake.
2 Ipanyi Jehovha rukujo unozwirana no zina rake.
Gwadamanyi pamberi pa Jehovha, makasimira nguvo jakaceneswa.
3 Izwi ra Jehovha riri kuzika panyezuru po kumwa;Izwi ra Mwari anokujwa, riri kutindhira.
Jehovha ari panyezuru po kumwa yakawanda.
4 Izwi ra Jehovha rino simba;Izwi ra Jehovha rakanaka maningi.
5 Izwi ra Jehovha rinogura muti yo sedhro;Hina, Jehovha anogura-gura muti yo sedhro yo Rebhanoni.
6 Iyena anoita kuti Rebhanoni* iphuke inga mwana wo n’gombe,Siriyoni iphuke inga vana vo n’gombe jo musora.*
7 Izwi ra Jehovha rinobudisa murazvu yo muriro;
8 Izwi ra Jehovha rinotetemeresa bani;Jehovha anoita kuti bani ro Kadheshi, ritetemere.
9 Izwi ra Jehovha rinodhyandhyisa shoma, iyona yobara,Rinocenesa gwasha.
Vandhu vese vari mu themberi yake vanoti: “Rukujo!”
10 Jehovha wakagara pacigaro cake co umambo, panyezuru po kumwa inozaja;*Jehovha wakagara pacigaro cake co umambo inga Mambo mbhera narini.
11 Jehovha anopa simba vandhu vake.
Jehovha anokomborera vandhu vake ngo runyararo.
Masoko o Pasi
^ Kangaije pari kunangira matundhu o Rebhanoni.
^ Cinyama co kare caitojana no nyati.
^ Kana: “pa jombe ro kumatenga.”
