Nduyo 34:1-22
Nduyo ya Dhavhidhi. Paakajiita inga benji pamberi pa Abhimereki, wogogomehwa wopinda.
א [Arefi]
34 Ndinozosimba Jehovha mukuvo wese;Ndinozomusimba ngo muromo wangu kwenda no kwenda.
ב [Bheti]
2 Inini ndinozokuja Jehovha;Varurami vanozozvizwa vodakara.
ג [Gimeri]
3 Kujanyi Jehovha pamwepo na inini;Tese ngatikuje zina rake pamwepo.
ד [Dhareti]
4 Ndakapsaka Jehovha, iyena wakandidavira.
Iyena wakandiponesa ku zviro zvese zvandaithya.
ה [He]
5 Vanodakara vaya vanomuthemba;Ivona avazonyowejwi.
ז [Zayini]
6 Mundhu uwu anojidodokesa wakadainja, Jehovha wakamuzwa.
Iyena wakamuponesa pa matambujiko ake ese.
ח [Heti]
7 Ngirozi ya Jehovha inongwarira vese vaya vanomuthya,Iyona inovaponesa.
ט [Teti]
8 Ejanyi muvone kuti Jehovha wakanaka;Anodakara nga wiya anotizira kwaari.
י [Yodhi]
9 Ithyanyi Jehovha, imwimwi mwese makasanwa kuti muite basa rake,Ngokuti apana cinocota ku vaya vanomuthya.
כ [Kafi]
10 Pikija zvimbhondoro zvinosimba zvakazwa njara,Asi vaya vanopsaka Jehovha, avazotami zviro zvakanaka.
ל [Ramedhi]
11 Viyanyi vana vangu, mundizwe;Inini ndinozomujijisa kuthya Jehovha.
מ [Memi]
12 Ndiyani pakati penyu anodakarira upenyuNo kuda kuvona njiku jakawanda jinodakajisa?
נ [Nuni]
13 Ngo kudaro, ngwarirai rurumi hwako pa zviro zvakashata,No muromo wako pa kuvereketa zvokunyepa.
ס [Sameki]
14 Iyena ngaasiye zvakashata, woita zvakanaka;Iyena ngaapsake runyararo no kuvangisira nguva jese kuti ave no runyararo no vadoni vake.
ע [Ayini]
15 Ngokuti majiso a Jehovha anovona varurami,Njeve jake jinopurukira kucema kwavo vecida kubeswa.
פ [Pe]
16 Asi Jehovha anohwisana* no vese vanoita zviro zvakashata,Iyena anozovapeja pa nyika, apana na umwe anozovaceukijazve.
צ [Tsadhe]
17 Ivona vakacema, Jehovha wakazwa;Iyena wakavaponesa pa matambujiko avo ese.
ק [Kofi]
18 Jehovha ari phedo no vaya vano mwoyo inohwajihwa;Iyena anoponesa vakasuruvara.
ר [Reshi]
19 Matambujiko o vandhu vakarurama akawanda,Asi Jehovha anovaponesa mu matambujiko avo ese.
ש [Shini]
20 Iyena anongwarira maphondo* ake ese;Arizivi kuguka nee phondo rimwe haro.
ת [Tawi]
21 Dambujiko rinozouraya vandhu vanoita zvakashataVaya vanonyenya varurami vanozopanicwa.
22 Jehovha anoponesa vashandiri vake;Apana anotizira kwaari anozopanicwa.
