Nduyo 38:1-22
Nduyo ya Dhavhidhi kuitira kuti vandhu vaceukije.
38 Jehovha Mwari wangu, mucandipangira makanyangajwa,Nee kundipangira muno ushungu hwenyu.
2 Ngokuti mupasha yenyu yandibaya mukati mangu,Nyara yenyu iri kundiremera pamusoro pangu.
3 Muviri wangu uri kuhwaja ngo ndava yo kucamwa kwenyu.
Maphondo* angu aana runyararo ngo ndava yo cishaishi cangu.
4 Kuposa kwangu kwandiwandira mbhera kuguma pamusoro wangu;Inga mutoro, kuri kundiremera maningi kuti ndikuthware.
5 Zvivonje zvangu zviri kunuha maningiZvecibuda uhwa ngo ndava yo upenji hwangu.
6 Ndiri kuhwajihwa no kucamwa maningi;Ndinopeja njiku yese ndecifamba ndakanyangajwa.
7 Mukati mangu muri kupisa;Muviri wangu wese uri kuhwaja.
8 Andicazivi zvokuita, andicina no simba;Mwoyo wangu wakacamwa unondiita kuti ndigomere* ngo izwi guru.
9 Jehovha Mwari wangu, imwimwi munoziva zvese zvandinoda,Kugomera kwangu akuzivi kuvigika kwamuri.
10 Mwoyo wangu uri kutaka ngo kukasika, simba rangu rapera,Majiso angu aacavoni.*
11 Shamwari jangu no vadoni vangu vari kugara ndhambo na inini ngo ndava yo kuhwaja kwangu,Ukama hwangu uri kugaravo ndhambo na inini.
12 Vari kupsanga kundiuraya, vari kunditeya;Vari kueja kundikhuvaza, vari kubhuya masoko anokhuvaza;Njiku yese vanoronga mazano anocengeja.
13 Asi inga mundhu ano mandondo, inini andizwi;Inga mbeveve, inini andifununguri muromo.
14 Inini ndakava inga mundhu acingazwi,Ano muromo ucikabhuyi masoko ari ese okuzvijivirira.
15 Jehovha Mwari wangu, inini ndakaimira besero renyu,Jehovha Mwari wangu, imwimwi makandibesa.
16 Inini ndakati: “Ivona avavhiri kudakara ngo ndava yanguNee avavhiri kunditaja ngo maitiro okuzvikuja, kudari murenje wangu ukasejemuka.”
17 Ngokuti inini ndainga ndaaphedo no kuwa,Ngokuti mukuvo wese ndaigara ndecihwaja.
18 Ndakadekeca kuposa kwangu;Ndaineseka ngo ndava yo cishaishi cangu.
19 Vavengi vangu vakavanga,* vova no simba,Vandhu vanondinyenya pacina thangwe, vakawanda maningi.
20 Pandinoita zvakanaka vanondihwirijira ngo zvakashata;Vanondizonda ngokuti inini ndinoenderera mberi ndeciita zvakanaka.
21 Jehovha Mwari wangu, mucandisiya.
Mwari wangu, mucagara ndhambo na inini.
22 Izanyi kuzondibesa ngo kukasika,Jehovha Mwari wangu no muponesi wangu.
Masoko o Pasi
^ Vonanyi Kudurujihwa ko Magama.
^ Kana: “ndibonge.”
^ Gama ngo Gama: “Ruvheneko hwo majiso angu wandisiya.”
^ Gama ngo Gama: “vari penye.”
