Nduyo 46:1-11
Ku mutungamiriri. Nduyo yo vana va Koraa. Ndumbo yakaimbhwa ngo vasikane.*
46 Mwari, ndiyena ndau yedu yokutizira no simba redu,Nguva jese iyena wakanasiririka kuti atibese pa mukuvo wo dambujiko.
2 Ngo ndava ya izvi itusu atithyi, pikija nyika ikacinja,Pikija matundhu akazungunyika owira mu jombe rakajika,
3 Pikija kumwa yo mu jombe ikatindhira yobudisa mafuro,Pikija matundhu akatetemera ngo ndava yo kutindhira kwayo. (Sera)
4 Kuno murambo unoita kuti kupopoma kwawo, kudakajise dhorobha ra Mwari,Tabherinake huru yakacena yo Mukuru-Kuru.
5 Mwari ari mu dhorobha; irona aringaparajwi,
Mwari anozoviya kuzoribesera pa kubuda ko zuva.
6 Majinja ari kuita jowe-yowe, majimambo awiswa;Iyena wadaninjira ngo izwi guru, nyika yanyunguruka.
7 Jehovha wo hondo ana itusu;Mwari wa Jakobe indau yedu yokutizira yakavanga. (Sera)
8 Viyanyi muzovone zviito zva Jehovha,Maitire aakaita zviro zvinoshamaisa pa nyika.
9 Iyena anopeja hondo mu nyika yese,
Anogura uta no kugura-gura mukhondo;*Anopisa ngoro* jo hondo pa muriro.
10 “Tendanyi, muzive kuti inini ndini Mwari.
Inini ndinozokujwa pakati po majinja;Ndinozokujwa mu nyika yese.”
11 Jehovha wo hondo ana itusu;Mwari wa Jakobe indau yedu yokutizira yakavanga. (Sera)
Masoko o Pasi
^ Vonanyi Kudurujihwa ngo Magama.
^ Thurusi rinoshandiswa ku hondo.
^ Kangaije: “muvhiko.”
