Nduyo 51:1-19
Ku mutungamiriri. Nduyo ya Dhavhidhi, pasure po kupangihwa ngo muporofeti Natani, ngo ndava yo upombo hwaakaita na Bhati-shebha.
51 Mwari wangu, ndiitirenyivo unyasha mukuzwirana no rudo hwenyu hucikacinji.
Mukuzwirana no usizi hwenyu hwakakura, fujuranyi kuposa kwangu.
2 Ndiregererenyivo kuposa kwangu,Cenesanyi cishaishi cangu.
3 Ngokuti inini ndinoziva kushaisha kwandakaita,Cishaishi cangu ciri pamberi* pangu.
4 Ndakashaishira imwimwi. Panyezuru po zvese, ndakashaishira imwimwi basi;Ndakaita zvakashata pamberi penyu.
Ngo kudaro, imwimwi makarurama pamunovereketaMatongero enyu akarurama.
5 Kunasa kunanga, inini ndakabahwa ndino cishaishi,Mai wangu vakandibara mu ushaishi.
6 Inini ndinoziva kuti munodakara pamunovona mundhu ano cokwadi mu mwoyo mwake;Ndijijisenyi uzivi wo cokwadi mu mwoyo mwangu.
7 Ndicenesenyi ku cishaishi cangu mecishandisa hisopi,* inini ndinozocena;Ndisambijenyi, inini ndinozocena maningi kupinda cando.
8 Itanyi kuti ndizwe mazwi o vandhu vari kutamba no vari kudakara,Kuti maphondo* angu amakaphwanya adakare.
9 Mucasota zvishaishi zvangu,Fujuranyi kuposa kwangu.
10 Mwari wangu, ndapota ndiitenyi kuti ndive no mwoyo wakacena,Itanyi kuti ndive no cido co kuda kuita zviro zvakanaka mukuvo wese.
11 Mucandigogomera pamberi penyu;Mucandivhisira mujimu mucena wenyu.
12 Ndihwirijirenyi mudakaro wo ruponeso hwenyu;Itanyi kuti ndive no cido co kumuzwira.
13 Ndinozojijisa makwanja enyu vandhu vanoposa,Kuti vashaishi vahwirire kwamuri.
14 Ndisujunurenyi ku ndava yo sangi yandinayo, imwimwi Mwari wangu, Mwari wo ruponeso hwangu,Kuti rurumi hwangu, uzivise ngo mudakaro wese ururami hwenyu
15 Jehovha Mwari wangu, fununguranyi muromo wangu,Kuti muromo wangu uzivise rukujo hwenyu.
16 Ngokuti imwimwi amudi mupiro. Kudari nomaiuda, ndaizomupa.Imwimwi amudakariri cipo cokupiswa.
17 Mwari anotendera mupiro yo vandhu vaya vakhauya kamare;Imwimwi Mwari amuzorambi mwoyo yo vandhu vakhauya no mwoyo yo vandhu vakasuruvara.
18 Itiranyi zvakanaka Ziyoni mukuzwirana no kuda kwenyu;Vakisanyizve mupfimbiji jo Jerusarema.
19 Ngo kudaro, munozodakarira mupiro inopihwa ngo ururami,Mupiro yese yokupiswa inopihwa;Ngo kudaro, n’gombe jorume jinozopihwa pa artari yenyu.
Masoko o Pasi
^ Kana: “mu murangariro mangu.”
^ Vonanyi Kudurujihwa ko Magama.
^ Vonanyi Kudurujihwa ko Magama.
