Nduyo 54:1-7
-
Mukumbiro wo kukumbira besero pakati po vavengi
-
“Mwari ndiyena mubeseri wangu” (4)
-
Ku mutungamiriri. Inorijwa ngo zvinorijwa ndizvona zvo shinda. Masikiri.* Nduyo ya Dhavhidhi. Pa mukuvo wo kuti Vazivi vakaenda koovhunja Sauri kudari: “Dhavhidhi wakafindara pakati pedu.”
54 Mwari wangu, ndiponesenyi ngo ndava yo zina renyu,Ndijivirirenyi ngo simba renyu.
2 Mwari wangu, izwanyi mukumbiro wangu;Nasanyi kupurukira masoko o pamuromo pangu.
3 Ngokuti vandhu vandicikazivi vari kundimukira,Vandhu vanoita zvakashata vari kupsaka kundiuraya.
Ivona avathyi Mwari. (Sera)
4 Vonanyi! Mwari ndiyena mubeseri wangu;Jehovha ano vandhu vari kundibesera.
5 Iyena anozohwirijira vavengi vangu mukuzwirana no zvakashata zvavakaita;Imwimwi vapejenyi, ngokuti makagondeka.
6 Ndinozomuitira mupiro ngokuda kwangu kwese.
Jehovha Mwari wangu, inini ndinozosimba zina renyu ngokuti rakanaka.
7 Ngokuti imwimwi munondiponesa pa matambujiko angu ese,Ndinozosota vavengi vangu ndecidakara maningi.
Masoko o Pasi
^ Vonanyi Kudurujihwa ko Magama.
