Nduyo 57:1-11
Ku mutungamiriri. Mumbo inozwi “Mucandiparaja.” Mikitamu.* Nduyo ya Dhavhidhi. Yaakaimba pa mukuvo waainga ecitiza Sauri woenda mukati mo bako.
57 Ndiitirenyivo unyasha, Mwari wangu ndiitirenyivo unyasha,Ngokuti ndakatizira kwamuri,Ndinotizira pa munvuriri wo mapapiro enyu mbhera matambujiko angu apere.
2 Ndinodaninja Mwari Mukuru-Kuru,Ndinodaninja Mwari wo cokwadi, uwo anopeja matambujiko angu.
3 Ari kudenga, Mwari anozondibesa no kundiponesa.
Iyena anozovhiringija wiya anonditeverera. (Sera)
Mwari anozokhombija rudo hwake hucikacinji no kugondeka kwake.
4 Ndakatendenejwa ngo mbhondoro;Ndinovangirijwa kuvata pakati po vandhu vanoda kundiuraya,Meno avo akadari inga mukhondo* no mupashaRurumi hwavo wakadari inga banga rakarojehwa.
5 Mwari wangu, khombijanyi kuti makakura maningi kumatenga;Rukujo hwenyu ngahuve pa nyika yese yo pasi.
6 Ivona vakateya murau kuti vabate soka jangu;Ndakasuruvara ngo ndava yo matambujiko.
Vakaca gomba pamberi pangu,Asi ivona kamare ndivona vakawiremo. (Sera)
7 Mwari wangu, mwoyo wangu wakagondeka kwamuri,Mwoyo wangu wakagondeka.
Ndinozorija no kuimba ndumbo jokumusimba.
8 Mwoyo wangu, mukai,
Mukai iwewe thurusi rinorijwa ngo shinda; mukavo iwewe cimadangari.*
Inini ndinozofumirisa.
9 Jehovha Mwari wangu, ndinozomusimba pakati po vandhu;Ndinozomuimbira ndumbo jokumusimba pakati po majinja.
10 Ngokuti rudo hwenyu hucikacinji hwakakura, hunoguma mbhera kumatenga,Kugondeka kwenyu kunoguma mbhera ku makore.
11 Mwari wangu, khombijanyi ukuru hwenyu kumatenga;Rukujo hwenyu ngahuve pa nyika yese yo pasi.
Masoko o Pasi
^ Vonanyi Kudurujihwa ko Magama.
^ Thurusi rinoshandiswa ku hondo.
^ Thurusi rinoshandiswa pa kurija mumbo. Ngo ciputukezi rinodaninjwa kuti harpa.
