Nduyo 65:1-13
Ku mutungamiriri. Ndumbo ya Dhavhidhi.
65 Mwari wangu, imwimwi munozosimbhwa mu Ziyoni;Itusu tinozokwanirisa mbhiko jatakagondesa kwamuri.
2 Mwari wangu, imwimwi munozwa mukumbiro, vandhu vese vanozoviya kwamuri.
3 Kuposa kwangu kwandipeja simba,Asi imwimwi munoregerera zvishaishi zvedu.
4 Anodakara nga wiya wamunosana momukhwedeja phedo na imwimwiKuti agare mu nyumba yenyu.
Tinozoguta ngo zviro zvakanaka zviri mu nyumba yenyu,Themberi yenyu yakacena.
5 Imwimwi munozotidavira ngo zviito zvo ururami zvinoshamaisa,Mwari wedu, imwimwi muri Mwari wo ruponeso hwedu;Vandhu vese vo panyika vanothemba imwimwiNo vese vaya vanogara ndhambo kamare.
6 Ngo simba renyu, imwimwi makadira matundhu pa ndau pawo;Imwimwi muno simba rakakura maningi.
7 Imwimwi* munonyaraja hasha jo jombe,Imwimwi munonyarajazve kutindhira ko mavimbi no jowe-yowe ro majinja.
8 Vagari vo ndau jiri ndhambo, vanozothya maningi ngo ndava yo zvitatijo zvenyu;Imwimwi munozoita kuti vandhu vanogara ku mavirira no kumavhazuva, vakhuwe ngo kudakara.
9 Imwimwi munotaja nyika,Munoiita kuti ive no ndimo. Munoitazve kuti ive yakapfuma.
Murambo wa Mwari unopopoma kumwa yakawanda;Imwimwi munopa vandhu zvokuha,Ngokuti ndiwona manasirire amakaita nyika.
10 Munozaja maminda avo ngo kumwa no kuita kuti mavhu akarimwa aite setete;Munomapfavisa ngo nvura yakawanda; munokomborera zviro zvavanorima.
11 Mosejesa gore ngo zviro zvenyu zvakanaka;Makwanja enyu akazara ngo zvokuha.
12 Mahavo o mubani* akawanda maningi,Zvimatundhu zvakasimira mudakaro.
13 Mahavo akazara ngo mushambi,Mapani akazara ngo zvokuha.
Iwona anokhuwa ngo kudakara maningi, hina, anoimba.
