Nduyo 68:1-35
Ku mutungamiriri. Nduyo ya Dhavhidhi.
68 Mwari ngaamuke, vavengi vake ngavandhandhaniswe,Vese vanomuzonda ngavatize pamberi pake.
2 Imwimwi vagogomerenyi kudari inga usi unotohwa ngo mbhepo,Kudari inga namo inonyunguruka pa muriro,Vandhu vakashata ngavaparajwevo pamberi pa Mwari.
3 Asi vakarurama ngavadakare;Ngavadakare maningi kamare pamberi pa Mwari;Ngavatambe ngo kudakara.
4 Imbiranyi Mwari, imbanyi ndumbo jo kusimba zina rake.
Imbiranyi wiya anopinda ngo mubani.*
Jehovha,* ndirona zina rake! Dakaranyi pamberi pake!
5 Baba wo ndherera* no mungwariri* wo noniNdiyena Mwari ari ku ndau yake yakacena yaanogara.
6 Mwari anopa pokugara, vaya vacina pokugara;Anosujunura vasungwi, ovatungamirira kuti vabudirire.
Asi vapanduki vanodikana kuponera mu nyika yakaoma.
7 Mwari wangu, pamakatungamirira vandhu venyu,Pamakafamba ngo mubani, (Sera)
8 Nyika yakazungunyika;Makore akana nvura ngo ndava ya Mwari;Dundhu ro Sinai rakazungunyika ngo ndava ya Mwari, Mwari wo Iziraeri.
9 Mwari wangu, makanisa nvura yakawanda maningi.Movangisazve vandhu venyu vainga vapera simba.
10 Ivona vakagara mu tende jenyu;Mwari wangu, ngo unaki hwenyu makapa varombo zvavaida.
11 Jehovha wakapa mutemo* vandhu vake;Vanakaji vanozivisa masoko akanaka,* icikwata co masoca akawanda maningi.
12 Majimambo no masoca awo, anotiza, iwona anotiza!
Mwanakaji anosara kanyi anozopuwavo zviro zvatohwa.
13 Pikija imwimwi mainga makavata phedo no muriro wamainga makabwakija mu akampamento,*Imwimwi munozoashira njiva ino mapapiro akadihwa sirivha,Ino mambau akadihwa goridhi rakanaka maningi.
14 Womasimba Ese paakandhandhanisa majimambo panyika,Kwakatanga kuwa cando mu Zarimoni.
15 Dundhu ro Bhashani, idundhu ra Mwari;Dundhu ro Bhashani, idundhu rakareba maningi.
16 Iwewe dundhu rakareba maningi, ngenyi uri kusotesesa ngo thima,Dundhu ra Mwari raakasana kuti agare?
Hina, Jehovha anozogara kondhoyo mbhera narini.
17 Ngoro* jo hondo ja Mwari jakawanda maningi zvokuti ajiverengeki.
Jehovha wakavha ku dundhu ro Sinai woenda ku ndau yakacena.
18 Jehovha* Mwari, imwimwi makakhwira nyezuru;Mopinda no varanda;Motora vanarume kuti vazove zvipo,Hina, pikija vanarume vakaoma musoro makavatoravo, kuti mugare pakati pavo.
19 Ngaasimbhwe Jehovha, ngokuti ndiyena anothwara mutoro yedu njiku jese,Mwari wo cokwadi, ndiyena muponesi wedu. (Sera)
20 Kwatiri, Mwari wo cokwadi ndi Mwari anoponesa;Mambo Mukuru-kuru Jehovha, anopsanga njira jokutisujunura kuti titame kuurawa.
21 Hina, Mwari anozokwiya-kwiya musoro jese jo vavengi vake,Musoro jo vandhu vaya vanoenderera mberi vecifamba mu gwanja ravo rakashata.
22 Jehovha wakati: “Ndinozovahwirija vecivha ku Bhashani;Ndinozovahwirija vecivha pasi po jombe rakajika,
23 Kuti soka jenyu jisambijwe ngo sangi yo vavengiImbhwa jikwanise kunakata sangi yavo.
24 Mwari wangu, ivona vanozovona kufamba ko vandhu venyu,Vandhu va Mwari, Mambo wangu, vecinghwina mu ndau yakacena.
25 Vaimbi vari kumbeji, sure kwavo kuno variji vo ndumbo vari kurija zvinorijwa ngo shindaPakati pavo pano vasikane vari kurija ngoma.
26 Mwese makaungana pamwepo, simbanyi Mwari;Simbanyi Jehovha imwimwi makabahwa ngo Vaiziraeri.
27 Kondhoyo, kuna Bhenjamini mwana mudoko ari kuvatonga,Kunavo vatungamiriri vo Judha no vandhu vakawanda maningi vari kukhuwa ngo mudakaro,Vatungamiriri va Zebhuroni no vatungamiriri va Naftari.
28 Mwari wako wakananga kuti iwewe waizopuwa simba.
Khombijanyi simba renyu Mwari wangu inga zvamakambotiitira.
29 Ngo ndava yo themberi yenyu iri mu Jerusarema,Majimambo anozomuviisira zvipo.
30 Pangiranyi zvinyama zvo musora zvinogara pakati po njanga,Pangiranyi mushambi yo n’gombe no zvivana zvajo,Mbhera vandhu vagwadame voviisa mangwenjere o sirivha.
Ngokuti imwimwi munondhandhanisa vandhu vanodakarira kuita hondo.
31 Zviro zvakaithwa ngo utare,* zvinozoviiswa zvecivha ku Ejipita;Kushi anozopa zvipo Mwari ngo kukasika.
32 Imwimwi majimambo o nyika, imbiranyi Mwari,Imbiranyi ndumbo jokusimba Jehovha, (Sera)
33 Imbiranyi wiya anofamba panyezuru po denga ro matenga o kare.
Izwanyi! Izwi rake rinotindhira, izwi rake rino simba.
34 Tendanyi kuti Mwari ano simba.
Nduma yake iri pakati po Vaiziraeri.Simba rake riri mu makore.
35 Ari ku ndau yake huru yakacena, Mwari anoita zviro zvinothyisa.
Iyena ndi Mwari o Vaiziraeri,Anopa simba no kuvangisa vandhu.
Ngaakujwe Mwari.
Masoko o Pasi
^ Kangaije: “mumakore.”
^ Kana: “Jah. Uku kugurisihwa ko zina ra Jehovha.”
^ Kana: “wakafihwa ndi baba.”
^ Gama ngo Gama: “mutongi.”
^ Kana kuti, mutemo wo kwenda ku hondo.
^ Kana kuti, masoko okuwina.
^ Kangaije: “pakati po zvibaya zvo mavhuta.”
^ Kana: “Kareta.”
^ Gama ngo Gama: “Jah. Uku kugurisihwa ko zina ra Jehovha.”
^ Kana: “zviro zvakaithwa ngo Bhronzi.”
