Nduyo 72:1-20
Ngo pamusoro pa Soromona.
72 Ipanyi mambo matongero enyu,Ipanyizve mwana wa mambo urungami hwenyu.
2 Iyena ngaajivirire ndava yo vandhu ngo urungami,No kujivirira vandhu venyu vanozvidodokesa ngo ururami.
3 Matundhu ngaaviisire vandhu runyararo,Zvimatundhu ngazviviisire vandhu ururami.
4 Iyena ngaajivirire vandhu vari kutambujika,Ngaaponese vana vo varombo,No kupeja vaya vanovabira.
5 Ivona vanozomuthya zuva parinoenderera mberi recibwakaNo kumuthya mweji paunoenderera mberi wecivoneka,Ku mubarihwana no mubarihwana.
6 Mambo anozoita inga nvura yana panyezuru po ushwa wakacekwa,Inga nvura yakawanda maningi inodirijira nyika.
7 Mu njiku jake, mururami anozobudirira,Kunozova no runyararo ukuru mbhera mweji utamezve kuvoneka.
8 Iyena anozotonga vandhu kuvha ku jombe rimwe mbhera ku jombe rimweni,Anozotonga kuvhira ku Murambo* mbhera ku magumo o nyika.
9 Vagari vo muzvipare vanozogwadama pamberi pake,Vavengi vake vanozonakata bukuta.
10 Majimambo o Tarishishi no o ku zvirundu, anozopagari mushabo.
Majimambo o Shebha no o Sebha anozoviisa zvipo.
11 Majimambo ese anozogwadama pamberi pake,Majinja ese anozomushandira.
12 Ngokuti iyena anozoponesa murombo ari kudeketera ecida besero,No kuponesazve wiya ari kutambujika na wese wiya acina mubeseri.
13 Munozoitira pena mundhu ari kutambujika no murombo,Mozoponesa varombo.
14 Iyena anozovaponesa mu nyara jo vandhu vanobzinyirira no mu nyara jo maphanga,Sangi yavo inozosisira pamberi pake.
15 Mambo ngaapone mukuvo wakareba no kupuwa goridhi ro ku Shebha.
Ngaaitihwe mukumbiro mukuvo wese,Ngaakomborehwe njiku jese.
16 Panyika panozova no zvokuha zvakawanda;Panyezuru po matundhu panozova no zvokuha zvakawanda maningi.
Mucero ya mambo inozokura inga yo ku Rebhanoni,Vandhu vo mu dhorobha vanozowanda maningi inga sora ro panyika.
17 Zina rake rinokujwa ngarisimbhwe kwenda no kwenda,Nduma yake ngaigare iripo inga zuva rinobwaka mukuvo wese.
Vandhu ngavakomborehwe pecishandiswa mambo;Vandhu vese ngavavone kuti iyena wakadakara.
18 Ngaakujwe Jehovha Mwari, Mwari wo Iziraeri,Ndiyena basi anoita zviro zvinoshamaisa.
19 Zina rake rinokujwa ngarisimbwe kwenda no kwenda,Nduma yake ngaiizivike mu nyika yese.
Ameni, Ameni.
20 Mukumbiro ja Dhavhidhi mwana wa Jesi japerera pano.
Masoko o Pasi
^ Zvinoreva: “Murambo Eufrati.”
