Nduyo 79:1-13
Nduyo ya Azafi.
79 Mwari wangu, majinja akanghwina mu nyika yenyu;Iwona akasvipisa themberi yenyu yakacena;Voita kuti Jerusarema rive mathere.
2 Ivona vakapa mutemo yo vashandiri venyu inga zvokuha ku shiriVopa nyama yo varanda venyu vakagondeka ku zvinyama zvomusora.
3 Ivona vakapopomeja sangi yavo inga kumwa mu Jerusarema rese,Apana na umwe wakasara kuti avavige.
4 Itusu tiri kushohwa ngo vocigarisano vedu;Vandhu vakatitendeneja vari kutishora no kutiseka.
5 Jehovha Mwari wangu, munozonyangajwa mbhera rini? Munozonyangajwa kwenda no kwenda here?
Ushungu hwenyu hunozobwaka inga muriro mbhera rini?
6 Dururanyi ushungu hwenyu ku majinja acikamuziviDururanyi ushungu hwenyu ku majimambo acikadaninji zina renyu.
7 Ivona vakauraya JakobeVoparaja nyika yake.
8 Mucatitambuja ngo ndava yo kuposa ko majicekuru edu.
Tikhombijirenyi unyasha hwenyu ngo kukasika,Ngokuti takashohwa maningi.
9 Tibesenyi, imwimwi Mwari wo ruponeso hwedu,Ngo ndava yo zina renyu rinokujwa.Tiponesenyi no kutiregerera zvishaishi zvedu ngo ndava yo zina renyu.
10 Ngenyi munotendera kuti vandhu vo majinja vanange kudari: “Ari kwapi Mwari wavo?”
Itanyi kuti tizvivone ngo majiso edu, majinja ese agume pakuzivaKuti makahwirijira sangi yakapopomejwa yo vashandiri venyu.
11 Izwanyi kugomera ko mundhu ari mukadheya.
Shandisanyi simba renyu kuti muponese vandhu vese vakatongehwa kufa.
12 Jehovha Mwari wedu, tambujanyi vocigarisano vedu vhaza jinopindirija nomweNgo ndava yo kutuka kwavakamuita.
13 Itusu vandhu venyu, mushambi wo mavhuta amunohavisa,Tinozomubonga kwenda no kwenda;Tinozozivisa rukujo hwenyu ku mubarihwana no mubarihwana.
