Nduyo 85:1-13
Ku mutungamiriri. Nduyo yo vana va Koraa.
85 Jehovha Mwari wangu, makaiitira unyasha nyika yenyu;Makahwirija vandhu va Jakobe kuvha kuuranda.
2 Makaregerera kuposa ko vandhu venyu;Makaregerera* zvishashi zvavo zvese. (Sera)
3 Makajibata pa ushungu hwenyu hwese;No kusiya ushungu hwenyu hunobwaka.
4 Mwari wo ruponeso hwedu, tiunganijenyizve,Kucamwa kwamakatiitira, kudirenyi ndhambo.
5 Munozoenderera mberi makatinyangajwira mbhera na rini?
Munozoenderera mberi mecikhombija ushungu hwenyu ku mubarihwana no mubarihwana here?
6 Amuzotiponesizve here,Kuti vandhu venyu vadakare ngo ndava yenyu?
7 Jehovha, tikhombijirenyi rudo hwenyu hucikacinji,Mutipe ruponeso hwenyu.
8 Ndinozozwa zvinozonanga Mwari wo cokwadi, Jehovha.Ngokuti iyena anozozivisa runyararo ku vandhu vake vakagondeka,Asi mucatendera kuti vajithembe inga zvavaiita kare.
9 Zvokadi, ruponeso hwake uri phedo ku vandhu vaya vanomuthya,Kuti nduma yake igare mu nyika yedu.
10 Rudo hucikacinji no kugondeka, zvinozosongana;Ururami no runyararo, zvinozofamba pamwepo.
11 Kugondeka kunozomera pa nyika,Ururami unozosota pasi uri kumatenga.
12 Hina, Jehovha anozopa vandhu zviro zvakanaka,Nyika yedu inozobara mucero yayo.
13 Ururami unozofamba pamberi pakeWozonasirira gwanja kuti soka jake jifambe ndirona.
Masoko o Pasi
^ Gama ngo Gama: “Makafukija.”
